Khunganyikani mwadidi. Nyerezerani kuti thangwi yanji mphangwa zenezi zalembwa. Pakukhunganyika, lerini mafala mazinji m’mbuto mwakuleri fala ibodzi na ibodzi. Calirani kuthimizira mafala, kunumpha peno kucinja mafala. Onani mwadidi mibvundzo na mbuto zinafunika imwe kulimira.

Lerini mwadidi fala ibodzi na ibodzi. Khala nee musakwanisa kuleri mafala anango, asakeni mu dhisionaryo, bveserani mabukhu akugravarwi peno phembani munthu anakwanisa kuleri mwadidi toera akuphedzeni.

Longani mwakubveka. Longani mwadidi mafala, lekani tsolima, pontho fungulani mwadidi mulomo wanu. Wangisirani toera kulonga mwakubveka fala ibodzi na ibodzi.