Gomezerani mafala akufunika. Mungamala kuleri lemba, gomezerani mafala akuti asabverana na ntsonga yakufunika. Imwe munakwanisa kucita pyenepi mungabwerezera mafala anewa peno mungacita mbvundzo wakuti unaphedza anyakubvesera anu kudzindikira mafala akufunika.

Gomezerani ntsonga yakufunika. Mungaleri lemba mbamulonga pakweca kuti thangwi yanji mwaileri, fokotozani kuti mafala akufunika a lemba asabverana tani na ntsonga inagomezera imwe.

Pangizani kuti lemba ineyi inaphatisirwa tani. Calirani kulonga mafala akuti nkhabe phedzera ntsonga yakufunika. Mwakubverana na pinthu pyakuti anyakubvesera anu asapidziwa kale, longani basi ene ntsonga zakufunika toera iwo akwanise kubvesesa kuti anaziphatisira tani.