“Malemba onsene mbakupumirwa na Mulungu.”—2 Timoti 3:16, Tradução do Novo Mundo.

• Matawiro akutsandzayisa a mibvundzo yakufunika ya umaso.—Misangani 2:1-5.

• Citsogolero cakunyindirika mu umaso wa ntsiku na ntsiku.—Masalmo 119:105.

• Cidikhiro candimomwene ca pinthu pyadidi pya ntsogolo.—Aroma 15:4.

Inde, pana mathangwi matatu:

• Kubverana kwayo Kwakudzumisa. Bhibhlya yalembwa na amuna akusiyana-siyana akukwana 40 mu pyaka pyakupiringana 1.600. Azinji mwa iwo cipo adziwana unango na ndzace. Ngakhale tenepa, bukhu yonsene ndi yakubverana, mbifokotoza ntsonga ibodzi ene!

• Mbiri yakunyindirika. Kazinji kene anyakulemba pyakucitika pya dziko asabisa madodo a anthu awo. Mwakusiyana, anyakulemba Bhibhlya mwakuona ntima alemba kudodomeka kwawo na kwa mbumba yawo.—2 Pya dziko ya Israele 36:15, 16; Masalmo 51:1-4.

• Maprofesiya Akunyindirika. Bhibhlya yalongeratu mwanyapantsi pya kufudzwa kwa nzinda wakale wa Babilonya mu ndzidzi wakuti pikhadasala pyaka 200 toera kucitika. (Izaiya 13:17-22) Iyo nee yalonga basi ene mafudziro a Babilonya, mbwenye yalongambo dzina ya nyakuufudza—Izaiya 45:1-3.

Maprofesiya anango mazinji akwanirisika mu unyomonyomo onsene. Mphapo si pyenepi tayu pikhafunika ife kudikhira ku Mafala a Mulungu?—2 Pedro 1:21.