KHUNDU 8
Pinalongeratu Bibilya Pisakwaniriswa
Bibilya hisatipasa basi mbiri yandimomwene ya pidacitika kale tayu, mbwenye isatipangambo pinthu pinafuna kudzacitika ntsogolo. Anthu nkhabe kwanisa kulonga pya ntsogolo. Na thangwi ineyi ife tisadziwa kuti Bibilya yabuluka kwa Mulungu. Kodi Bibilya isalonganji pya ntsogolo?
Isatipanga pya nkhondo ikulu ya Mulungu. M’nkhondo ineyi Mulungu anadzacenesa dziko yapantsi ku uipi onsene na anthu akuipa, mbwenye iye anadzatsidzikiza ale anantumikira. Mambo wa Mulungu, Yezu Kristu, anadzatsalakana kuti atumiki a Mulungu akomerwe na ntendere na kutsanzaya, na cipo anadzaduwalabve peno kufa.
Tingakwanise kukomerwa kuti Mulungu anadzacita paradizu ipswa pa dziko yapantsi, kodi si tenepa? Mbwenye tisafunika kucita cinthu khala tisafuna kukhala maso m’paradizu unoyu. M’mbiri yakumalisa ya bukhu ino tinadzapfunza pinafunika ife kucita kuti titsanzaye na pinthu pyakudzumatirisa pidakoyera Mulungu ale anantumikira. Natenepa lerini KHUNDU 8 mbumudzindikira pidalongeratu Bibilya thangwi ya ntsogolo.
MU KHUNDU INO
MBIRI 114
Kumala Kwa Uipi Onsene
Thangwi yanji Mulungu anatuma Yezu toera kutsogolera anyankhondo ace pa nkhondo ya Armajedhoni?
MBIRI 115
Paradizu Ipswa Pa Dziko Yapantsi
Kale anthu akhala mparaizu pa dziko yapantsi, pyenepi pinadzacitika pontho.
MBIRI 116
Tinakwanisa Tani Kukhala Na Umaso Kwenda Na Kwenda
Kodi kudziwa basi ene Yahova na Yezu pyakwana? Khala nkhabe, ninji pontho pinafunika ife kucita?