Njira ya ku Umaso Okhonda Mala—Kodi Imwe Mwaigumana Kale?
Pa dziko yapantsi basi ene pali na mauphemberi mawiri: Ubodzi usatsogolera anthu toera kugumana umaso okhonda mala, unango usatsogolera anthu toera kufudzwa. Bhruxura ino inakuphedzani toera kugumana njira inatsogolera anthu ku umaso okhonda mala.
Mafala akutoma
Umaso wathu wa cincino na wa ntsogolo, usanyindira Mulungu Wamphambvu Zonsene. Natenepa, ndi pyakufunika kakamwe kuti ulambiri wathu ukhale wakutawirika kuna iye!
KHUNDU 1
Kodi Marelijiau Onsene Asapfunzisa Undimomwene?
Mauphemberi asakhulupira pinthu pyakusiyana kakamwe. Kodi onsene asabverana na pinapfundzisa Bhibhlya?
KHUNDU 2
Kodi Munakwanisa Tani Kupfunza Undimomwene wa Pya Mulungu?
Kodi mauphemberi asafunika kucitanji toera anthu adziwe kuti asapfundzisa undimomwene?
KHUNDU 3
Kodi Mbani Anakhala m’Mbuto Yauzimu?
Mauphemberi anango asakhulupira kakamwe pya mizimu. Mphapo pyenepi pisabverana na Bhibhlya? Bhibhlya isatawira mbvundzo unoyu.
KHUNDU 4
Kodi Makholo Athu Ali Kupi?
Azinji asanyerezera kuti anthu angafa, asapitiriza kukhala na umaso ku mbuto inango. Mphapo Bhibhlya isalonganji?
KHUNDU 5
Undimomwene wa Pya Masalapita na Ufiti
Mizimu iri na mphambvu, pontho ndi yakugopswa, nee tisafunika kupenula mphambvu ziri na iyo.
KHUNDU 6
Kodi Marelijiau Onsene Mbakutawirwa na Mulungu?
Anthu anango asanyerezezra kuti mauphemberi onsene ndi akutawirika kuna Mulungu. Kodi Bhibhlya isalonga pyenepi?
KHUNDU 7
Kodi Mbani Anacita Relijiau ya Undimomwene?
Bhibhlya inakuphedzani kudzindikira kuti mbani anacita cifuno ca Mulungu.
KHUNDU 8
Khondani Relijiau Yauthambi; Citani Relijiau ya Undimomwene
Yezu alonga: “Munthu anakhonda kukhala kukhundu yanga, ndi nyamalwa wanga.” Tinapangiza tani kuti tiri ku khundu ya Yezu?
NKHUNDU 9
Relijiau ya Undimomwene Inakwanisa Kukubwereserani Maphindu Akukhonda Mala!
Mungalambira Yahova iye anakupsani nkhombo cincino na ntsogolo.
