Mafala Akutoma a Khundu 12
Yezu apfundzisa anthu pya Umambo wakudzulu. Iye aapfundzisambo toera kuphembera kuti dzina ya Mulungu iceneswe, Umambo wace udze, pontho toera cifuniro ca Mulungu cicitwe pa dziko yapantsi. Khala ndimwe nyakubala, pangani mwananu kuti phembero ineyi isabvekanji kwa ife. Yezu nee atawirisa Sathani toera kufudza kukhulupirika kwace. Yezu asankhula apostolo ace, pontho iwo adzakhala akutoma kucita khundu mu Umambo. Onani phinga ikhali na Yezu thangwi ya ulambiri wandimomwene. Nakuti akhafuna kuphedza anango, Yezu awangisa atenda, adyesa anthu akhali na njala, pontho iye alamusambo anthu muli akufa. Na pirengo pyenepi pyonsene, Yezu apangiza pinafuna kudzacita Umambo kwa anthu.
MU KHUNDU INO
NSOLO 74
Yezu Adzakhala Mesiya
Kodi Juwau akhafuna kubvekesanji pidalonga iye kuti Yezu ndi Mwanabira wa Mulungu?
NSOLO 75
Dyabo Ayesera Yezu
Dyabo ayesera Yezu katatu. Ndi api mayesero anewa matatu? Yezu atawira tani?
NSOLO 76
Yezu Acenesa Templo
Thangwi yanji Yezu abulusa pinyama kunja kwa templo mbagwisa meza za kobiri za anyakugulisa?
NSOLO 77
Yezu na Nkazi wa ku Samariya
Nkazi wa ku Samariya adzumatirwa na pidampanga Yezu. Thangwi yanji? Ninji pidampanga Yezu pyakuti cipo akhadapanga kale anango?
NSOLO 78
Yezu Amwaza Mphangwa za Umambo
Yezu acemera angasi mwa anyakupfundzace toera kukhala ‘anyakumedza anthu.’ Patsogolo pace, iye apfundzisa anyakupfundza 70 toera kumwaza mphangwa zadidi.
NSOLO 79
Yezu Acita Pirengo Pizinji
Mwakukhonda tsalakana mbuto ikhaenda Yezu, anthu akuti akhaduwala akhabwera kudzaphemba ciphedzo, Yezu aawangisa onsene. Iye afikira pakulamusa muli akufa mwana ntsikana wang’ono.
NSOLO 80
Yezu Asankhula Apostolo Khumi na Awiri
Iye aasankhula toera kucitanji? Musakumbuka madzina awo?
NSOLO 81
Nkhani ya Paphiri
Yezu apfundzisa ntsonga zakufunika kakamwe kuna mwinji ukhadagumanyikana.
NSOLO 82
Yezu Apfundzisa Anyakupfundzace Kuphembera
Ndi pinthu pipi pidalonga Yezu kuna anyakupfundzace toera kupitiriza kuphemba?
NSOLO 84
Yezu Afamba Padzulu pa Madzi
Munakwanisa kunyerezera kuti apostolo apibva tani pidaona iwo cirengo ceneci?
NSOLO 85
Yezu Awangisa Boliboli pa Ntsiku ya Sabudu
Thangwi yanji anthu azinji akomerwa na pidacita iye?
NSOLO 86
Yezu Alamusa Lazaro
Pidaona Yezu Mariya mbakalira, iye alirambo. Mbwenye misozi yace yacinja mbakhala wakutsandzaya.