Mafala Akutoma a Khundu 4
M’misolo inatowera tinapfundza thangwi ya Zuze, Yobe, Mose na Aisraeli. Onsene athabuswa kakamwe na Dyabo. Anango a iwo athabuka thangwi yakucitirwa pinthu pyakusowa ulungami, kuikhwa n’kaidi, kucitwa mabitcu, ngakhale kuphiwa. Munjira zonsene, Yahova aatsidzikiza. Khala ndimwe nyakubala, phedzani mwananu toera kubvesesa kuti atumiki a Yahova akwanisa tani kupirira uipi mbakhonda kuluza cikhulupiro.
Yahova aphatisira Miliri Khumi toera kupangiza kuti iye ndi wamphambvu kakamwe kupiringana alungu onsene a mu Ejito.
Mpfundziseni kuti Yahova atsidzikiza tani atumiki ace mu ndzidzi wakale, pontho asatsidzikizambo tani atumiki ace lero.MU KHUNDU INO
NSOLO 14
Bitcu Wakuti Akhabvera Mulungu
Zuze akhacita pinthu pyadidi, mbwenye akhathabuka kakamwe. Thangwi yanji?
NSOLO 15
Yahova Nee Aduwala Zuze
Ngakhale Zuze akhali kutali na acibale ace, Mulungu apangiza kuti akhali na iye.
NSOLO 17
Mose Asankhula Kulambira Yahova
Ninga khombwani, Mose apulumuswa na mai wace munjira yakudzumisa.
NSOLO 19
Miliri Mitatu Yakutoma
Farau abweresa nyatwa kuna mbumba yace thangwi iye akhali wakudzikuza kakamwe.
NSOLO 21
Muliri Wacikhumi
Muliri unoyu ukhali wakufudza kakamwe wakuti wacitisa Farau, munthu wakudzikuza kusudzula Aisraeli.
NSOLO 22
Cirengo pa Bara Yakufwira
Farau nee afa pa miliri khumi, mphapo iye apulumuka pa cirengo ici ca Mulungu?