Mafala Akutoma a Khundu 6
Pidafika Aisraeli ku Dziko Yakupikirwa, tabhernakulu yadzakhala mbuto ya ulambiri wandimomwene. Anyantsembe apfundzisa Mwambo, pontho atongi atsogolera mbumba. Misolo inatowera inadzapangiza kuti pisankhulo na macitiro a munthu pinakwanisa kukhuya uxamwali wace na Yahova ngakhale kucitisa anango kucita pinthu pyadidi peno pyakuipa. Pangani mwananu kuti Dhebhora, Naomi, Yoswa, Yana, mwana wankazi wa Yefte na Samweli akhali a pitsandzo pyadidi kwa anango akuti akhalambira Yahova. Pangizani kuti Rahabhe, Rute, Yaeli na Agibheoni asankhula kukhala kukhundu ya Aisraeli thangwi akhadziwa kuti Mulungu akhali na iwo.
MU KHUNDU INO
NSOLO 29
Yahova Asankhula Yoswa
Mulungu apasa Yoswa pitsogolero pyakuti pinakwanisambo kutiphedza lero.
NSOLO 30
Rahabhe Abisa Anyakusuzumira Dziko
Mipanda ku Yeriko yamala kugwa. Mbwenye nyumba ya Rahabhe yapitiriza kulimira, maseze ikhadaphatana na mpanda.
NSOLO 32
Ntsogoleri Mupswa na Akazi Awiri Acipapo
Pidafa Yoswa, Aisraeli atoma kulambira adzimunthu. Umaso wadzakhala wakunentsa kakamwe, mbwenye ciphedzo cabwera kubulukira ku Nyakutonga Bhalaki, mprofeta wankazi akhacemerwa Dhebhora na Yaeli pabodzi na ntcici wa tenda yace!
NSOLO 33
Rute na Naomi
Akazi awiri akuti amuna awo alowa, abwerera ku Israeli. M’bodzi mwa akazi anewa, Rute aenda kaphata basa m’munda kudadzindikirwa iye na Bhoazi.
NSOLO 34
Gidheoni Akunda Amidhiani
Pidamala Amidhiani kuthabusa Aisraeli, mbumba yaphemba ciphedzo kuna Yahova. Kodi anyankhondo akucepa akwanisa tani kukunda anyankhondo akukwana 135.000?
NSOLO 35
Yana Aphemba Mwana
Elikana akwata Yana, Penina na anace toera kulambira ku tabhernakulu ku Silo. Kweneko, Yana aphemba mwana. Pidapita caka cibodzi, iye abala mwana wakuti ampasa dzina ya Samweli!
NSOLO 36
Pikiro ya Yefte
Ndi pikiro ipi idacita Yefte, pontho thangwi yanji? Kodi mwana ntsikana wa Yefte apangiza tani kubvera?
NSOLO 37
Yahova Alonga na Samweli
Ana awiri a Nyantsembe Wankulu Eli akhatumikira ninga anyantsembe pa tabhernakulu, mbwenye iwo nee akhabvera mwambo wa Yahova. M’phale Samweli akhali wakusiyana, Yahova alonga na iye.
NSOLO 38
Sansoni Apaswa Mphambvu na Yahova
Mulungu Acitisa Sansoni kukhala na mphambvu yakuthimbana na Afilisti, mbwenye pidacita Sansoni cisankhulo cakuipa, Afilisti akwanisa kunkunda.
