Lekani Tawirisa Ufuni Wanu Kuthowa
‘Thangwi yakunjipa kwa uipi, ufuni wa anthu azinji unadzathowa.’—MATEO 24:12.
NYIMBO: 23, 24
1, 2. (a) Kodi mafala a Yezu anagumanika pa Mateo 24:12 asaphata basa kuna ani pakutoma? (b) Kodi bukhu ya Machitiro isapangiza tani kuti Akristu azinji mu ndzidzi wa apostolo akhapitiriza kuwangisa ufuni wawo? (Onani cithundzithundzi cakutoma.)
PIKHALI Yezu pa dziko yapantsi, afokotoza kuti anthu anadzadzindikira tani ‘kumala kwa makhaliro ano a pinthu.’ Mwa pinthu pyenepi, iye alonga mwanyapantsi: ‘Ufuni wa anthu azinji unadzathowa.’ (Mateo 24:3, 12) Ayuda a mu ndzidzi wa apostolo akhalonga kuti ndi atumiki a Mulungu, mbwenye akhatawirisa ufuni wawo kuthowa kwa Mulungu.
2 Mbwenye, Akristu azinji mu ndzidzi unoyu akhali na makhaliro akusiyana. Iwo akhali aphinga m’basa yakumwaza mphangwa ‘zadidi zinalonga pya Kristu,’ kupangiza ufuni kwa Mulungu, kwa Akristu andzawo na kwa ale akuti nee akhadziwa undimomwene. Akristu anewa apitiriza kuwangisa ufuni wawo kwa Mulungu. (Machitiro 2:44-47; 5:42) Mwakutsukwalisa, pakhali na Akristu anango akuti akhatawirisa ufuni wawo kuthowa. Tisadziwa tani pyenepi?
3. Ninji pikhacitisa ufuni wa Akristu anango kuthowa?
3 Yezu apanga Akristu a ku Efeso: “Iwe wasiya kufuna kwako Apokalipse 2:4) Pisaoneka kuti Akristu a ku Efeso acitiswa na anthu azinji akhakhala na iwo akuti akhakomerwa kakamwe na kucita pikhafuna iwo. (Aefesi 2:2, 3) Efeso ukhali nzinda wakupfuma wakuti anthu akhatsalakana kakamwe pinthu pyakumanungo kupiringana pyonsene. Anthu azinji ku Efeso akhalimbo na makhaliro aulukwali na kukhonda lemedza mitemo ya Mulungu. Iwo akhafuna kakamwe pinthu pyaubalangazi m’mbuto mwakufuna Mulungu na anango.
kwakutoma.” (4. (a) Kodi ufuni wa anthu ukuthowa tani lero? (b) Ndi pinthu pipi pinafuna kutiphedza toera kupitiriza kuwangisa ufuni wathu?
4 Mafala a Yezu analonga pya kuthowa kwa ufuni asaphatambo basa kuna ife lero. Anthu lero asafuna mwakucepa kakamwe Mulungu. M’mbuto mwakusaka Mulungu toera kumalisa nyatwa n’dziko, pikwi na pikwi pya anthu asasaka ciphedzo ca misoka ya anthu. Ufuni wawo ukupitiriza kuthowa. Ngakhale ufuni wa atumiki a Yahova unakwanisa kuthowa, ninga pidacitika mu mpingo wa ku Efeso. Natenepa, tendeni tidinge pinthu pitatu pyakuti pinatiphedza toera kupitiriza kuwangisa ufuni wathu: (1) kufuna Yahova, (2) kufuna undimomwene wa Bhibhlya na (3) kufuna abale na alongo athu.
KUFUNA YAHOVA
5. Thangwi yanji tisafunika kufuna kakamwe Mulungu?
5 Mbani asafunika ife kufuna kakamwe? Yezu alonga: ‘Funa Yahova Mulungu wako na ntima wako onsene na umaso wako onsene na ndzeru zako zonsene. Anewa ndi matongero makulu na akutoma.’ (Mateo 22:37, 38) Kufuna Mulungu kunatiphedza toera kubvera matongero ace, kupirira na kuida pinthu pyakuipa. (Lerini Masalmo 97:10.) Mbwenye Sathani na dziko yace asayesera kuthowesa na kufudza ufuni wathu kwa Mulungu.
6. Ninji pisacitika kuna anthu angaluza ufuni wawo kwa Mulungu?
6 Dziko lero iri na maonero akuphonyeka thangwi ya ufuni. M’mbuto mwakufuna Mulungu, anthu azinji ‘asafuna pinthu pyawo.’ (2 Timoti 3:2) Iwo asatsalakana pya ‘kusirira kwa manungo, kusirira kwa maso na kugaya thangwi ya pinthu piri na iwo mu umaso wawo.’ (1 Jwau 2:16) Mpostolo Paulu acenjeza kuti ninji pinafuna kucitika tingafuna kakamwe pinthu pyakumanungo. Iye alonga: ‘Kuikha manyerezero ku pinthu pyakumanungo pisabveka kufa.’ Thangwi yanji? Thangwi ale anacita pyenepi asakhala anyamalwa a Mulungu. (Aroma 8:6, 7) Anthu anaphatisira umaso wawo toera kusaka kobiri peno kukwanirisa pifuno pyaulukwali asadzakhala akutsukwala kakamwe.—1 Akorinto 6:18; 1 Timoti 6:9, 10.
7. Ndi maonero api akugopswa akuti anakwanisa kukhuya Akristu lero?
7 Anthu azinji akukhonda khulupira, anyakupenula kukhalapo kwa Mulungu na anyakukhulupira pya kusanduka kwa pinthu, asayesera kucitisa anango kukhonda funa Mulungu peno kukhulupira kuti iye nee alipo. Iwo asaona anthu anakhulupira Nciti ninga mapswiru peno anthu akukhonda pfundza. Mwakuthimizira, anthu azinji asalemedza kakamwe asiyentista kupiringana Nciti. (Aroma 1:25) Ngakhale Akristu anakwanisa kukhuyiwambo na maonero anewa. Uxamwali wathu na Yahova unakwanisa kufewa na kuthowesa ufuni wathu kwa iye.—Ahebere 3:12.
8. (a) Ndi makhaliro api akuti anakwanisa kutsukwalisa atumiki a Yahova? (b) Kodi lemba ya Masalmo 136 isatibalangaza tani?
1 Jwau 5:19) Mbwenye tingatawirisa kufeweswa, cikhulupiro cathu cinakwanisa kufewa na kuthowesa ufuni wathu kwa Mulungu. Mwacitsandzo, panango ife tisathimbana na nyatwa zakukalamba, utenda peno kusowa kobiri. Panango tinatsukwala thangwi nee tikukwanisa kucita pinthu ninga mukhafunira ife. Panango tinatsukwala thangwi pinthu pinango pyacitika munjira yakuti nee tikhaidikhira. Mwakukhonda tsalakana nyatwa zinathimbana na ife, cipo tisafunika kupibva kuti Yahova atiduwala. Nyerezerani mafala akubalangaza anagumanika pa lemba ya Masalmo 136:23: ‘Iye asatikumbukira mu nyatwa zathu, thangwi ufuni wace ndi wakwenda na kwenda.’ Ife tinakwanisa kunyindira kuti Yahova asabvesera ‘madembetero athu,’ pontho anadzatiphedza.—Masalmo 116:1; 136:24-26.
8 Nakuti tikukhala n’dziko yakuipa ya Sathani, pana mathangwi mazinji akuti midzidzi inango anatifewesa. (9. Ninji cidaphedza Paulu toera kupitiriza kuwangisa ufuni wace kwa Mulungu?
9 Mpostolo Paulu akhali ntumiki wa Mulungu adadzindikira mwadidi kuti atsalakanwa tani na Yahova, pontho citsalakano ceneci camphedza toera kukhala wakuwanga. Iye alemba: ‘Yahova ndi mphedzi wanga; ine nkhabe kudzagopa. Munthu anandicitanji?’ (Ahebere 13:6) Cinyindiro ca Paulu kwa Yahova camphedza toera kuthimbana na pinentso. Pikhathimbana Paulu na makhaliro akunentsa, nee aluza cinyindiro cace kwa Yahova. Ngakhale pikhali iye n’kaidi, aphedza Akristu andzace mukulemba matsamba akuwangisa na kuatumiza m’mipingo yawo. (Aefesi 4:1; Afilipi 1:7; Filemoni 1) Mwakukhonda tsalakana nyatwa zikhathimbana na Paulu, iye apitiriza kuwangisa ufuni wace kwa Yahova. Iye akhanyindira ‘Mulungu wacibalangazo, ule anatibalangaza mu nyatwa zathu zonsene.’ (2 Akorinto 1:3, 4) Tinatowezera tani citsandzo ca Paulu?
Pangizani ufuni kwa Yahova (Onani ndima 10)
10. Tinapitiriza tani kuwangisa ufuni wathu kwa Yahova?
1 Atesalonika 5:17; Aroma 12:12) Thangwi yanji phembero isaticitisa kukhala cifupi na Mulungu? Pakuphembera, tisalonga na Yahova. Pyenepi pisatiphedza kukhala na uxamwali wakuwanga na iye. (Masalmo 86:3) Tingapanga Babathu wakudzulu manyerezero anthu na mabvero athu, tisakhala cifupi na iye. (Masalmo 65:2) Pontho, ufuni wathu kwa Yahova usathimizirika tingaona matawiro a maphembero athu. Tiri na cinyindiro cakuti ‘Yahova ali cifupi na onsene anancemera.’ (Masalmo 145:18) Cinyindiro cathu mu ufuni wa Yahova na kuuphedzera kunatiphedza toera kutsalakana nyatwa zinathimbana na ife lero na ntsogolo.
10 Paulu afokotoza njira ibodzi yakuti inatiphedza toera kupitiriza kuwangisa ufuni wathu kwa Mulungu mukulemba: ‘Phemberani ndzidzi onsene.’ Mukupita kwa ndzidzi, iye alemba pontho: ‘Pitirizani kuphembera.’ (KUFUNA UNDIMOMWENE WA BHIBHLYA
11, 12. Tinathimizira tani kufuna kwathu undimomwene wa Bhibhlya?
11 Ninga Akristu, ife tisafuna undimomwene. Undimomwene unoyu tisaugumana m’Mafala a Mulungu. Yezu alonga kuna Babace: ‘Mafala anu ndi undimomwene.’ (Jwau 17:17) Natenepa, toera kufuna undimomwene, tisafunika kudziwa mwadidi pinalonga Bhibhlya. (Akolose 1:10) Mbwenye pana pinthu pizinji. Onani kuti mulembi wa Masalmo kapitulu 119 anatiphedza tani toera kubvesesa pinafunika ife kucita. (Lerini Masalmo 119:97-100.) Ntsiku zonsene, tisafunika kunyerezera mwacidikhodikho pinaleri ife m’Bhibhlya. Tinganyerezera mwacidikhodikho nkhombo zinakhala na ife thangwi yakuphatisira undimomwene wa Bhibhlya mu umaso wathu, tinadzaufuna kakamwe.
12 Nyamasalmo alongambo: ‘Mafala anu asadzipa nkanwa mwanga, asadzipa kakamwe kupiringana uci!’ (Masalmo 119:103) Mabukhu akubuluswa m’Bhibhlya anabuluswa na gulu ya Mulungu asakhunganywa ninga cakudya cakukoma. Tingadya cakudya cinakomerwa na ife, tisacidya kazinji kene. Munjira ibodzi ene, tisafunika kukhala na ndzidzi wakupfundza. Buluka penepo tinadzakomerwa kakamwe na “mafala akukoma” a undimomwene, pontho pinadzakhala pyakukhonda nentsa kukumbuka pidaleri ife na kupiphatisira toera kuphedza anango.—Koelete 12:10.
13. Ninji cidaphedza Yeremiya toera kufuna kakamwe Mafala a Mulungu? Pontho pyenepi pyankhuya tani?
13 Mprofeta Yeremiya akhafuna kakamwe Mafala a Mulungu. Iye alonga: ‘Mafala anu ndaagumana, mbandiadya; pontho mafala anu asatsandzayisa kakamwe ntima wanga, thangwi ndisacemerwa na dzina yanu, imwe Yahova Mulungu wa anyankhondo.’ (Yeremiya 15:16) Yeremiya adzindikira mwadidi mafala akufunika a Mulungu, mbaafuna. Akhapasa ntengo mwai wace wakuimirira Yahova na kumwaza mphangwa zace. Tingafuna undimomwene wa Bhibhlya, tinadzindikira kuti tiri na mwai wakukhala Mboni za Yahova na kumwaza mphangwa za Umambo ntsiku zino zakumalisa.
Pangizani ufuni ku undimomwene wa Bhibhlya (Onani ndima 14)
14. Ndi cinthu cipi cinango cinafuna kutiphedza kuthimizira ufuni wathu ku undimomwene wa Bhibhlya?
14 Ndi cinthu cipi cinango cinafuna kutiphedza Ncenjezi mu ntcini wanu wandzeru peno mu ntokodzi. Revista ineyi isagumanika mu pilongero pizinji mu website yathu ya jw.org na mu JW Library. Mitundu inango ya mabukhu anaphatisira ife mu ntcini wandzeru peno mu ntokodzi asafungula mwakucimbiza kakamwe malemba. Mwakukhonda tsalakana njira inaphatisira ife, tingaleri mwadidi malemba na kuanyerezera mwacidikhodikho, tinathimizira ufuni wathu ku undimomwene wa Bhibhlya.—Lerini Masalmo 1:2.
toera kufuna kakamwe undimomwene wa Bhibhlya? Tisafunika kugumanika pa misonkhano yathu mwakukhonda phonya, mbuto isatipfundzisa Yahova. Kupfundza Bhibhlya pasumana mukuphatisira Ncenjezi ndi njira ibodzi mwa zizinji zinatipfundzisa Yahova. Tingafuna kuphindula kakamwe na nsonkhano unoyu, tisafunika kukhunganyika mwanyapantsi. Mwacitsandzo, ife tinakwanisa kuleri lemba ibodzi na ibodzi inagumanika mu ndima. Lero, ndi pyakukhonda nentsa kuleri peno kubhaxariKUFUNA ABALE NA ALONGO ATHU
15, 16. (a) Mwakubverana na Jwau 13:34, 35, ndi matongero api adatipasa Yezu? (b) Kodi kufuna kwathu Mulungu na Bhibhlya kusacita tani khundu yakufuna abale na alongo athu?
15 Namasiku a ntsiku yakumalisa pa dziko yapantsi, Yezu alonga kuna anyakupfundzace: ‘Ine ndinakupasani matongero mapswa, kuti mufunane. Mufunane ninga mudakufunirani ine. Na kufunana kwanu anthu onsene anadzadzindikira kuti ndimwe anyakupfundza anga.’—Jwau 13:34, 35.
16 Kufuna abale na alongo athu kusacita khundu yakufuna Yahova. Khala nee tisafuna Mulungu, nee tinakwanisa kufuna abale na alongo athu. Pontho, khala nee tisafuna abale na alongo athu, nee tinakwanisa kufuna Mulungu. Mpostolo Jwau alemba: ‘Munthu anakhonda funa m’bale wace anaona iye na maso ace, anacimwana kufuna Mulungu anakhonda iye kuona.’ (1 Jwau 4:20) Kufuna kwathu Yahova na abale na alongo athu kusacitambo khundu yakufuna Bhibhlya. Thangwi yanji? Thangwi tingafuna pinapfundza ife m’Bhibhlya, tinabvera matongero analonga pya kufuna Mulungu na abale na alongo athu.—1 Pedro 1:22; 1 Jwau 4:21.
Pangizani ufuni kuna abale na alongo (Onani ndima 17)
17. Ndi njira zipi zinango zakuti tinakwanisa kupangiza ufuni?
17 Lerini 1 Atesalonika 4:9, 10. Ndi njira zipi zinango zakuti tinakwanisa kupangiza ufuni kuna abale na alongo mu mpingo mwathu? M’bale peno mulongo wakukalamba, panango anafuna ciphedzo toera kukwatwa kuenda ku misonkhano na kubwerera. Nzice panango anafuna ciphedzo cakusasanyira pinthu pinango panyumba pace. (Tyago 1:27) Abale na alongo akuti ndi akufewa mwauzimu, akutsukwala, peno akuthimbana na nyatwa asafunika ciphedzo cathu, ciwangiso na cibalangazo. (Misangani 12:25; Akolose 4:11) Kubulukira m’macitiro na malongero athu, tinapangiza kuti tisafuna ‘abale na alongo athu akukhulupirika.’—Agalata 6:10.
18. Ninji cinafuna kutiphedza toera kumalisa mikandzo tingadawisirana na abale na alongo athu?
18 Bhibhlya isalonga kuti mu “ntsiku zakumalisa” za makhaliro ano akuipa, anthu azinji mbadadzakhala akufuna pinthu pyawo basi na akumana. (2 Timoti 3:1, 2) Ninga Akristu, tisafunika kuwangisira kakamwe toera kukulisa ufuni wathu kuna Yahova, m’Mafalace na unango na ndzace. Nakuti ndife akusowa ungwiro, panango midzidzi inango tinadawisirana na abale na alongo athu. Mbwenye tingafunana unango na ndzace, tinadzayesera kumalisa mikandzo yonsene mwakucimbiza na munjira yadidi. (Aefesi 4:32; Akolose 3:14) Cipo tisafunika kutawirisa ufuni wathu uthowe! M’mbuto mwace, tendeni tipitirize kufuna kakamwe Yahova, Mafalace na abale na alongo athu.