‘Tawirisani Kuti Kupirira Kumalise Basa Yace’
‘Tawirisani kuti kupirira kumalise basa yace toera mukhale akukwana, pontho mukhonde kusowa cinthu.’—TGO. 1:4.
NYIMBO: 24, 139
1, 2. (a) Tinapfundzanji thangwi ya kupirira kwa Gedheoni na anyankhondo ace 300? (Onani cithundzithundzi cakutoma.) (b) Mwakubverana na Luka 21:19, thangwi yanji kupirira ndi kwakufunika kakamwe?
NYEREZERANI kuti mukuona anyankhondo a Israele mbakamenyana na anyamalwa awo pabodzi na ale akhaaphedzera. Gedheoni na anyankhondo ace aphuphudza mu kutowerera Amidiyani nsindzo wa makilometru 32! Bhibhlya isalonga pidacitika: ‘Gedheoni afika ku Yordane mbawambuka na anyankhondo ace 300 mbathimiza kulonda anyamalwa, maseze akhadaneta maningi.’ Mbwenye Gedheoni na anyankhondo ace akhadzati kuwina nkhondo ineyi, thangwi akhadasala anyankhondo 15.000 mwa anyamalwa awo. Pakumala kuthabuka pyaka pizinji m’manja mwa Amidiyani, Aisraele akhadziwa kuti unoyu nee ukhali ndzidzi toera kubwerera nduli. Natenepa, toera kumalisa anyamalwa awo, ‘iwo apitiriza kuatowerera’ mpaka kukunda Amidiyani.—Aton. 7:22; 8:4, 10, 28.
2 Ife tikumenyambo nkhondo yakuwanga na yakunetesa. Anyamalwa athu ndi Sathani, dziko yace na kufewa kwathu. Anango a ife asamenya nkhondo ineyi mu pyaka pizinji, pontho na ciphedzo ca Yahova tawina kazinji kene. Mbwenye midzidzi inango, panango tinaneta pa kumenyana na anyamalwa athu peno munadikhira ife kumala kwa Luka 21:19.) Kodi kupirira ninji? Ninji cinafuna kutiphedza toera kupirira? Tisapfundzanji kubulukira mwa ale adapangiza kupirira? Pontho ‘tinatawirisa tani kuti kupirira kumalise basa yace’?—Tgo. 1:4.
makhaliro ano a pinthu. Mbwenye ife tidzati kumalisa kuwina nkhondo yathu. Yezu acenjeza kuti ale akhafuna kukhala maso mu ntsiku zakumalisa mbadathimbana na mayesero akuwanga na kutsalakanwa mwakuipa. Mbwenye iye alongambo kuti toera kupulumuka, tisafunika kupirira. (LeriniKODI KUPIRIRA NINJI?
3. Kodi kupirira ninji?
3 M’Bhibhlya, fala yakuti kupirira isabveka pizinji kupiringana kutawira kuthimbana na makhaliro akunentsa. Kupirira kusaphataniza maonero athu na ntima wathu, peno pinacita ife tingathimbana na nyatwa. Munthu wakupirira asapangiza cipapo na cinyindiro. Bukhu inango isalonga kuti kupirira ndi n’khaliro wakuti usatiphedza toera kukhala na cidikhiro cakuwanga mbaticalira kubwerera nduli pakuthimbana na nyatwa. Kupirira kusatiphedza toera kukhala akuwanga mbatikhonda kutekenyeka ngakhale m’makhaliro akunentsa kakamwe. Pontho kusatiphedza toera kukunda nyatwa zenezi mbatiikha manyerezero ku cifuno cathu, tayu ku nyatwa zathu.
4. Thangwi yanji tinakwanisa kulonga kuti ufuni usatikulumiza toera kupirira?
4 Ufuni wathu usatikulumiza toera kupirira. (Lerini 1 Akorinto 13:4, 7.) Ufuni wathu kwa Yahova usatikulumiza toera kupirira cinthu consene cakubverana na cifuno cace. (Luka 22:41, 42) Kufuna kwathu abale kusatiphedza toera kupirira madodo awo. (1 Ped. 4:8) Kufuna kwathu ndzathu wa m’banja, kusatiphedza toera kupirira “nyatwa” zakuti mabanja akutsandzaya asathimbanambo nazo, mbatiwangisa uxamwali wa banja.—1 Akor. 7:28.
NINJI CINAFUNA KUKUPHEDZANI TOERA KUPIRIRA?
5. Thangwi yanji Yahova asadziwa mwadidi pinafuna ife toera kupirira?
5 Phembani Yahova toera akupaseni mphambvu. Yahova ndi ‘Mulungu anapasa anthu kupirira na cibalangazo.’ (Arom. 15:5) Yahova ndiye basi anabvesesa mwakukwana makhaliro athu, mabvero athu na makuziro athu. Natenepa, iye asadziwa mwadidi pinafuna ife toera kupirira. Bhibhlya isalonga kuti iye ‘asakwanirisa pifuno pya ale anangopa. Iye asabvesera mikhuwo yawo angaphemba ciphedzo mbaapulumusa.’ (Sal. 145:19) Kodi Mulungu anatawira tani tingaphemba mphambvu toera kupirira?
6. Mwakubverana na pikiro ya Bhibhlya, kodi Yahova ‘anafungula tani njira’ tingathimbana na mayesero?
6 Lerini 1 Akorinto 10:13. Tingaphemba Yahova toera atiphedze kupirira nyatwa, iye ‘anadzafungula njira yakutipulumusa.’ Kodi Yahova asacinja pinthu toera kubulusa nyatwa? Panango. Mbwenye kazinji kene, iye asafungula njira ‘toera tikwanise kupirira nyatwa ineyi.’ Inde, Yahova asatiwangisa ‘toera tikwanise kupirira pyonsene na ntima wakukhurudzika na wakukomerwa.’ (Akol. 1:11) Nakuti Yahova asadziwa mwadidi kusowa kwathu mphambvu na kufewa kwa manyerezero na mabvero athu, iye cipo anadzasiya kuti mayesero anentse kakamwe mbaticimwana kupitiriza kukhala akukhulupirika.
7. Longani citsandzo cinapangiza kuti tisafunika kudya cakudya cauzimu toera kupirira.
7 Phatisirani cakudya cauzimu toera kuwangisa cikhulupiro canu. Thangwi yanji ndi cakufunika? Mwacitsandzo, toera kukwira Phiri ya Evereste, munthu asafunika kuphatisira 6.000 pya calorias pa ntsiku. Ntengo unoyu ndi ukulu kakamwe kupiringana unafuna munthu pa ntsiku. Toera kupirira na kukwira mpaka panafuna iye, nyakukwira asafunika kudya mwakukwana ninga munakwanisa iye. Munjira ibodzi ene, toera kupirira mu umaso wathu Wacikristu, tisafunika Jwau 6:27.
kudya mwakukwana cakudya cauzimu mwakukhonda phonya. Tisafunika kulangika tekhene toera kukhala na ndzidzi wakuleri, kupfundza na kugumanika pa misonkhano Yacikristu. Mabasa anewa asawangisa cikhulupiro cathu mukuphatisira ‘cakudya cakuti cinapitiriza mpaka kukhala na umaso wakukhonda mala.’—8, 9. (a) Mwakubverana na lemba ya Yobe 2:4, 5, ninji pinaphatanizwa mu ndzidzi unathimbana ife na nyatwa? (b) Mungathimbana na nyatwa, musafunika kunyerezera pinthu pipi pyakukhonda kuoneka namaso?
8 Kumbukani pya kukhulupirika kwanu kuna Mulungu. Ntumiki wa Yahova angathimbana na mayesero, pana pizinji pinaphatanizwa kupiringana kuthabuka kwace. Pinacita ife tingathimbana na mayesero, pisapangiza khala tisaonadi Yahova ninga Ntongi Wankulu wakudzulu na pantsi. Sathani, nyamalwa wa utongi ukulu wa Yahova, axola Yahova na mafala awa: ‘Pyonsene piri na munthu anapipereka thangwi ya umaso wace. M’mbuto mwa pyenepi, futhula djanja yako mbukhuya manungo na magogodo a Yobe, unadzaona kuti iye anadzakutikana pamaso pako.’ (Yobe 2:4, 5) Mwakubverana na mafala a Sathani, nkhabe munthu anatumikira Yahova thangwi ya ufuni. Kodi Sathani acinja maonero ace? Nee pang’ono pene! Mudapita pyaka pizinji, pidathamangiswa Sathani kudzulu, alongwa kuti akhapitiriza ‘kusumira abale athu masiku na masikati pamaso pa Mulungu!’ (Apok. 12:10) Sathani nee aduwala pya kukhulupirika kwathu. Iye asafuna kakamwe kuti tinete pakuthimbana na mayesero athu mbatisiya kuphedzera utongi ukulu wa Yahova.
9 Natenepa, mungathimbana na nyatwa, nyerezerani pinthu ipi pyakukhonda kuoneka namaso: Sathani na mademonyo ace ali kukhundu yawo, asaona pyonsene pinacita imwe, mbanyerezera kuti munadzaneta mbamubwerera nduli. Kukhundu inango kuna Yahova na Mambo Yezu Kristu, anyakudzodzwa adamala kulamuswa muli akufa pabodzi na pikwi na pikwi pya aanju. Iwo akumwetulira kuna imwe, mbakomerwa thangwi yakupirira kwanu na kuphedzera kwanu utongi ukulu wa Yahova. Imwe munakwanisa kuona kuti Yahova akulonga mafala awa kuna imwe: ‘Mwananga, khala wandzeru, mbukomeresa ntima wanga, ine ndinadzakwanisa kutawira ule anandixola.’—Mis. 27:11.
10. Munatowezera tani Yezu mu kunyerezera pya nkhombo zakupirira?
10 Nyerezerani pya muoni wakupirira kwanu. Nyerezerani kuti mukucita ulendo wakulapha mbamufika pa mbuto yakuti njira yapita na munsitu wakupata kakamwe. Imwe musaona n’dima basi. Mbwenye imwe musanyindira kuti mungapitiriza kuenda kutsogolo mpaka kunkhomo kwa nsitu, munadzaona pontho ceza. Munjira ibodzi ene, midzidzi inango munaona ninga nee munakwanisa kuthimbana na nyatwa zanu. Yezu mbadakwanisambo kukhala na mabvero mabodzi ene. Iye ‘atikanwa na anyakudawa’ kutsalakanwa mwakuipa na kuphiwa mwakutsukwalisa kakamwe ‘pamuti wakusikimiza.’ Mwandimomwene, unoyu ukhali ndzidzi wakunentsa kakamwe mu umaso wace pa dziko yapantsi! Mbwenye Yezu apirira pyonsene ‘thangwi ya kutsandzaya kukhali patsogolo pace.’ (Aheb. 12:2, 3) Iye akhanyerezera kakamwe pya nkhombo zakupirira kwace, makamaka pya kuphedzera kwace utongi ukulu wa Yahova. Mayesero akunentsa a Yezu akhali a ndzidzi wakucepa, mbwenye maphindu adidi kakamwe akhafuna iye kutambira kudzulu akhali akukhonda mala. Lero, nyatwa zinathimbana na imwe panango ndi zakunentsa kakamwe na zakunetesa. Mbwenye kumbukani kuti nyatwa zinathimbana na imwe munjira yakuenda ku umaso wakukhonda mala ndi za ndzidzi wakucepa.
“ALE ADAPIRIRA”
11. Thangwi yanji tisafunika kudinga pitsandzo pya “ale adapirira”?
11 Ife nee tisafunika kupirira tekhene. Toera kuwangisa Akristu kuti apirire nyatwa zinabweresa Sathani, mpostolo Pedhru alemba: “Khalani 1 Ped. 5:9, Tradução do Novo Mundo) Pitsandzo pya “ale adapirira” pisatipfundzisa kuti tinapitiriza tani kukhala akuwanga, pisatipasa cinyindiro cakuti tinakwanisa kupembera, pontho pisatikumbusa kuti kukhulupirika kwathu kunatibweresera nkhombo. (Tgo. 5:11) Tendeni tidinge pitsandzo pingasi. [1]
akuwanga mu cikhulupiro toera kuthimbana naye, mbamudziwa kuti nsoka onsene wa abale anu pa dziko yonsene akuthimbana na nyatwa zibodzi zene.” (12. Tisapfundzanji kubulukira mu citsandzo ca akerubi adaikhwa m’munda wa Edheni?
12 Akerubi. Citsandzo cidapangiza aanju adatumwa pakutoma pa dziko yapantsi cisatipfundzisa kupirira tingapaswa basa yakunentsa. Bhibhlya isalonga kuti Yahova Mulungu ‘ayikha akerubi na masupada akuyetima, toera kuonera njira yakuenda ku muti wa umaso.’ [2] (Gen. 3:24) Akerubi anewa nee akhadacitwa toera kutsalakana basa ineyi. Kusiyapo pyenepi, madawo na kufa nee pikhacita khundu ya cifuniro ca Mulungu kwa anthu. Mbwenye ife nee tisaleri kuti akerubi anewa akuti ndi aanju a ntundu wapadzulu kakamwe adungunya kuti basa ineyi ikhali yakucepeseka kakamwe kwa iwo. Iwo nee aneta mbasiya basa idapaswa iwo. M’mbuto mwace, abvera mbapitiriza m’basa yawo, mbapirira mpaka kumala kwa basa yawo—panango pa ndzidzi wa Cigumula, mudapita pyaka 1.600!
13. Kodi Yobe akwanisa tani kupirira nyatwa zace?
13 Yobe, munthu wakukhulupirika. Khala muli wakutsukwala thangwi ya mafala a xamwali wanu peno wacibale, panango musathimbana na utenda wakunentsa, peno muli watsukwala thangwi yakuferwa na nyakufunika wanu, munagumana cibalangazo mu citsandzo ca Yobe. (Yobe 1:18, 19; 2:7, 9; 19:1-3) Maseze nee akhadziwa kudabuluka nyatwa zace, Yobe nee afewa manungo mbabwerera nduli. Thangwi yanji? Cakutoma, iye akhafuna Mulungu pontho akhagopa kuntsukwalisa. (Yobe 1:1) Caciwiri, Yobe akhali wakutonga kukomeresa Yahova m’midzidzi yadidi na yakunentsa. Cacitatu, na ciphedzo ca Mulungu, Yobe akwanisa kunyerezera mabasa akudzumisa a Yahova adacita iye mukuphatisira nzimu Wace wakucena. Yobe adzakhala na cinyindiro kakamwe cakuti Yahova mbadamalisa nyatwa zace pa ndzidzi wakuthema. (Yobe 42:1, 2) Ndi pyenepi pidacitika: ‘Yahova asanduza makhaliro ace mbampasa pontho pinthu pyace kawiri kupita pikhali na iye kale.’ Yobe akhala ‘maso mu pyaka pizinji na umaso wakutsandzayisa.’—Yobe 42:10, 17.
14. Mwakubverana na lemba ya 2 Akorinto 1:6, kodi kupirira kwa Paulu kwaphedza tani anango?
14 Mpostolo Paulu. Kodi musathimbana na mitcingo yakuwanga peno kutowererwa na anyamalwa a ulambiri wandimomwene? Ndimwe nkulu wa mpingo peno muyang’aniri wa cisa wakuti 2 Akor. 11:23-29) Mbwenye iye akhonda kubwerera nduli, citsandzo cace cawangisa anango. (Lerini 2 Akorinto 1:6.) Mungathimbana na nyatwa mbamupirira, kumbukani kuti citsandzo canu cisawangisa anango toera kupirirambo.
asatsalakana mabasa mazinji? Nyerezerani citsandzo ca mpostolo Paulu. Iye athimbana na mitcingo yakuwanga, pontho akhadzudzumika ndzidzi onsene thangwi ya abale m’mipingo. (KODI KUPIRIRA KUNADZAMALISA BASA YACE MWA IMWE?
15, 16. (a) Ndi “basa” ipi inafuna kumaliswa na kupirira? (b) Perekani pitsandzo pinapangiza kuti tinatawirisa tani kuti ‘kupirira kumalise basa yace.’
15 Mpostolo Tyago apumirwa mbalemba: ‘Tawirisani kuti kupirira kumalise basa yace.’ Ndi “basa” ipi inafuna kumaliswa na kupirira? Kupirira kusatiphedza toera ‘kukhala akukwana mbatikhonda kusowa cinthu.’ (Tgo. 1:4) Kazinji kene, nyatwa zisapangiza kufewa kwathu peno makhundu a umaso wathu akuti tisafunika kuasasanyira. Natenepa, tingapirira nyatwa, makhaliro athu Acikristu asakhala akuwanga kakamwe. Mwacitsandzo, tisapfundza kukhurudzika, kupereka takhuta, kupangiza ufuni na kubverambo ntsisi anango.
Tingapirira nyatwa, makhaliro athu Acikristu asakhala akuwanga kakamwe (Onani ndima 15, 16)
16 Nakuti kupirira kusatiphedza kakamwe mu umaso wathu Wacikristu, lekani kuswa midida ya Bhibhlya toera kucalira nyatwa zinathimbana na imwe mu umaso wanu. Mwacitsandzo, ndiye tani khala musathimbana na manyerezero akuipa? M’mbuto mwakucita pinthu pyakuipa pinanyerezera imwe, citani phembero toera kucalira pifuno pyenepi. Natenepa, munawangisa kudzitonga kwanu. Kodi musathimbana na mitcingo ya wacibale wakukhonda khulupira? M’mbuto mwakubwerera nduli, khalani wakutonga kupitiriza kutumikira Yahova na ntima onsene. Munjira ineyi, munawangisa cinyindiro canu kuna Yahova. Kumbukani: Toera kukhala wakutawirika kuna Yahova, tisafunika kupirira.—Arom. 5:3-5; Tgo. 1:12.
17, 18. (a) Longani citsandzo cinapangiza kufunika kwa kupirira mpaka kunkhomo. (b) Mu ndzidzi unafendedzera ife kumala kwa makhaliro ano, tinakwanisa kukhala na cinyindiro cipi?
17 Ife tisafunika kupirira, tayu mu ndzidzi wakucepa, mbwenye mpaka kunkhomo. Mwacitsandzo: Nyerezerani pya xitima yakuti yalobzweka m’madzi. Toera kupulumuka, anthu ali mwenemu asafunika kusambirira mpaka kugombe. Munthu anganeta mbasiya kusambiria cifupi na gombe, anaona nyatwa ibodzi ene ninga ule anasiya kusambirira pakati pa nyandza. Munjira ibodzi ene, ife tiri akutonga kupirira mpaka kupita mu dziko ipswa. Toera kupulumuka tisafunika kupirira. Ife tiri na maonero mabodzi ene na a mpostolo Paulu adalemba kawiri kuti: ‘Ife nkhabe kubwerera nduli.’—2 Akor. 4:1, 16.
18 Tinakwanisa kukhala na cinyindiro consene cakuti Yahova anadzatiphedza toera kupirira mpaka kunkhomo. Tiri na cinyindiro cibodzi cene ninga cidapangiza Paulu pa Aroma 8:37-39: ‘Tinakunda pyonsene thangwi ya iye adatifuna. Ndisanyindira kuti nee kufa, nee umaso, nee aanju, nee mautongi, nee pyacincino, nee pinafuna kudza, nee mphambvu, nee pyakudzulu, nee pyapantsi, nee cinthu cibodzi cidacitwa cinaticimwanisa kufuniwa na Mulungu, mwa Kristu Yezu Mbuyathu.’ Ndimomwene kuti midzidzi inango tinaneta. Mbwenye tendeni tipirire mpaka kunkhomo, toera tilongwembo ninga Gedheoni na anyankhondo ace: ‘Iwo apitiriza kuatowerera.’—Aton. 8:4.
^ [1](ndima 11) Munadzawangiswambo kakamwe mungadinga pontho pya kukhulupirika kwa atumiki a Yahova a ndzidzi uno. Mwacitsandzo, mabukhu a Anuário a pyaka 1992, 1999 na 2008 ali na mbiri zakuwangisa cikhulupiro zinalonga pya abale athu a ku Etiopya, Malawi na Rusiya.
^ [2](ndima 12) Bhibhlya nkhabe kupangiza kuti ndi akerubi angasi adatumwa toera kutsalakana basa ineyi.