Abale na alongo azinji asaphatisira misolo inagumanika pa khundu yakutoma ya saiti ineyi mu utumiki. Thangwi iwo asakwanisa kuitumiza kuna anango mwakukhonda nentsa, pontho kazinji kene isafokotoza kuti pinthu pinacitika lero pisakwanirisa tani maprofesiya a Bhibhlya. M’bale m’bodzi alemba thangwi ya misolo ineyi kuti “misolo ineyi ndi yakufunika kakamwe thangwi ya njira inamwaza ife mphangwa cincino.”

Mbwenye kazinji kene mphangwa zenezi zisacinjwa. Mphapo munakwanisa tani kugumana mphangwa zakuti nee zisagumanikabve pa khundu yakutoma ya saiti?

• Mu jw.org peno mu JW Library^®, pfinyani pa khundu yakuti “Biblioteca,” buluka penepo pfinyani pa khundu yakuti “Séries de artigos,” pontho pfinyani pa “Mais assuntos.” Mwenemu musagumanika misolo mizinji yakuti yapangizwa kale pa khundu yakutoma ya saiti yathu.