Lerini Atongi 11:30-40, pontho onani citsandzo cadidi ca Yefite na mwanace adacita pidapikira iwo.

Onani pinalongwa m’mavesi a nduli na a ntsogolo. Aizraeli akukhulupirika akhaona tani mapikiro akhacita iwo kuna Yahova? (Num. 30:2) Yefite na mwanace apangiza tani kuti akhakhulupira Yahova?—Aton. 11:9-11, 19-24, 36.

Sakani mphangwa zinango. Ninji pidapikira Yefite kuna Yahova, pontho pyenepi pikhabvekanji kuna iye? (Ncenjezi 04.16 tsa. 7 ndima 12) Ndi pinthu pipi pidacita Yefite na mwanace toera kucita pinthu pidapikira iwo? (Ncenjezi 04.16 tsa. 7-8 ndima 14-16) Ndi pinthu pipi pyakuti atumiki a Yahova anakwanisa kupikira lero?—Ncenjezi 04.17 tsa. 5-8 ndima 10-19.

Tisapfundzanji? Bvundzikani:

• ‘Ndi pinthu pipi pinafuna kundiphedza kupitiriza kukwanirisa pikiro yanga yakuperekeka?’ (Ncenjezi 03.20 tsa. 13 ndima 20)

• ‘Ndinacitanji toera ndicite pizinji m’basa ya Yahova?’

• ‘Ndinacitanji toera ndipitirize kucita pidapikira ine pakumanga banja?’ (Mat. 19:5, 6; Aef. 5:28-33)