Tikhale Antendere mu Dziko Yakuipa
Bhaxarini:
Tsamba ya Nyimbo
1. Konsene kwene tisagumana anthu akuipirwa,
Thangwi ntsiku na ntsiku anthu asatamba nyatwa.
Mbwenye Yahova asatipanga tikhurudzike.
Tisacita phembero toera tikhale antendere.
(KORO)
Mphyakunentsa khala antendere mu dziko yakuipa.
Mbwenye tingayesera, tinatsandzaya lero na n’dziko ipswa.
2. Ntsiku isatoma mwadidi, mbwenye pinthu pisacinja.
Tikhonde kuipirwa na anthu anatisosa.
Ndi M’lungu basi asakwanisa kuona mu ntima.
Tingaabvera ntsisi, anango a iwo anadzacinja.’
(KORO)
Mphyakunentsa khala antendere mu dziko yakuipa.
Mbwenye tingayesera, tinatsandzaya lero na n’dziko ipswa.
(MURATHO)
Lekani kubwezera
Anthu angakusosani.
Ndimodi kuti mphyakunentsa.
M’lungu anakuphedzani.
3. Tingaenda kamwaza mphangwa zadidi nyumba na nyumba,
Tisathamangiswa na anthu aukali ninga nkhalamu.
Tisabuluka mwacilemedzo mbatienda kunango,
Thangwi pangasoweka nkhuni moto usathimiratu.
(KORO)
Mphyakunentsa khala antendere mu dziko yakuipa.
Mbwenye tingayesera, tinatsandzaya lero na n’dziko ipswa.
(KORO)
Mphyakunentsa khala antendere mu dziko yakuipa.
Mbwenye tingayesera, tinatsandzaya lero na n’dziko ipswa.
