Kodi Mukuwangisira Toera Kupaswa Nkhombo?
Khala tisafuna kutambira nkhombo za Yahova, tisafunika kuwangisira kakamwe toera kuikha pinthu pya Umambo pa mbuto yakutoma mu umaso wathu. (1 Akor. 9:26, 27) Mu ndzidzi unatumikira ife Yahova, tisafunika kuwangisira ninga pidacita Yakobe mu ndzidzi udathimbana iye na anju. Ife tinapangiza kuti tisawangisira toera kutambira nkhombo za Yahova tingacita pinthu pitatu:
-
Kukhunganyika mwadidi misonkhano ya mpingo
-
Kumwaza mphangwa ndzidzi onsene
-
Kuphedza anango mu mpingo
Mwakukhonda tsalakana nyatwa zinathimbana na ife, ndzidzi onsene tisafunika kucita phembero toera kuphemba ciphedzo ca Yahova mbaticita pyonsene pinakwanisa ife toera kutambira nkhombo zace.
Bvundzikani: ‘Ndi makhundu api asafunika ine kuwangisira toera kutambira nkhombo za Yahova?’