Yakobe athimbana na anju toera kupaswa nkhombo na Yahova. (Gen. 32:24-31; Oze. 12:3, 4) Ndiye tani kuna ife? Kodi tisawangisira kakamwe kubvera Yahova toera kutambira nkhombo zace? Mwacitsandzo, khala musafuna kugumanika pa misonkhano ya mpingo na kuphata basa ya ku dziko mu ndzidzi uzinji, mbamudasankhulanji? Tingaphatisira ndzidzi wathu, mphambvu zathu na mpfuma zathu toera kutumikira Yahova, iye ‘anatipasa nkhombo mpaka nee kusowa cinthu.’ (Mal. 3:10) Natenepa iye anadzatitsogolera, kutitsidzikiza mbatsalakana pifuno pyathu.—Mat. 6:33; Aheb. 13:5.

ONANI VIDHYU YAKUTI KHAZIKISANI PIFUNO PYAUZIMU, BULUKA PENEPO TAWIRANI MIBVUNDZO IYI:

• Kodi mulongo ayeserwa tani na cinthu cikhafuna iye?

• Kodi basa yathu inakwanisa tani kukhala ciyeso kuna ife?

• Thangwi yanji Timoti akhafunika kupitiriza kukhazikisa pifuno pyauzimu maseze akhali Nkristu wakukola mwauzimu?—1 Tim. 4:16

• Ndi basa ipi yakufunika kakamwe kwa ife?