Izaiya akhali dzololo toera kutumwa, ifembo tisafunika kuntowezera. Iye apangiza cikhulupiro na mwakukhonda dembuka aperekeka, maseze nee akhadziwa unyomonyomo onsene. (Iza. 6:8) Kodi imwe, munakwanisa kusasanyira makhaliro anu toera kuenda ku mbuto yakuti iri na kufuna kukulu kwa amwazi mphangwa a Umambo? (Masal. 110:3) Ndimomwene kuti tisafunika ‘kukhala pantsi’ toera kudinga pinafunika toera kufuluka. (Luka 14:27, 28) Mbwenye tisafunika kukhala dzololo toera kucita macinjo thangwi ya basa yakumwaza mphangwa. (Mat. 8:20; Mark. 10:28-30) Ninga taona mu vidyu yakuti Eles se mudaram para servir onde há mais necessidade, nkhombo zinatipasa Yahova m’basa yace ndi zizinji kakamwe kupiringana macinjo onsene anacita ife.

• Ndi macinjo api adacita banja ya Williams toera kuenda katumikira ku Ekuador?

• Ninji pidadinga iwo pakusankhula mbuto ya kuenda katumikira?

• Ndi nkhombo zipi zidakhala na iwo?

• Kodi imwe munagumana kupi mphangwa zinalonga pya mbuto zakuti ziri na kufuna kukulu kwa amwazi mphangwa?

• Tinathimizira tani basa yathu yakumwaza mphangwa ninga banja? (km 8/11 4-6)

• Khala ife nkhabe kwanisa kuenda ku mbuto yakuti iri na kufuna kukulu kwa amwazi mphangwa, ndi munjira zipi zakuti tinakwanisa kuphedza mpingo wathu? (w16.03 23-25)