Mwatoma lini kudikhira kubwera kwa Umambo wa Mulungu? Kodi imwe musadikhira mwakupirira mwakukhonda tsalakana nyatwa? (Aroma 8:25) Abale anango asatcingwa, asatsalakanwa mwakuipa, asathimbana na mikakamizo, kuikhwa nkaidi, ngakhale kuphiwa. Anango asathimbana na utenda wakukhonda wanga peno kugwesera.

Ninji pinafuna kutiphedza kudikhira mwakupirira mwakukhonda tsalakana nyatwa zinathimbana na ife? Tisafunika kuleri Bhibhlya ntsiku zonsene na kunyerezera mwacidikhodikho pinaleri ife toera kuwangisa cikhulupiro cathu. Tisafunika kuikha manyerezero athu ku pinthu pinadikhira ife. (2 Akor. 4:16-18; Aheb. 12:2) Pontho, tisafunika kuphemba Yahova toera atipase mphambvu kubulukira ku nzimu wace wakucena. (Luka 11:10, 13; Aheb. 5:7) Babathu waufuni anakwanisa kutiphedza toera tikwanise “kupirira mwadidi, mwakukhurudzika na mwakukomerwa.”—Akol. 1:11.

ONANI VIDHYU YAKUTI ‘TITHAMANGE MWAKUPIRIRA’—TOERA KUWINA MUONI, BULUKA PENEPO TAWIRANI MIBVUNDZO IYI:

• Ndi pinthu pipi ‘pyakukhonda kudikhirwa’ pyakuti pinakwanisa kuticitikira? (Koel. 9:11, Tradução do Novo Mundo da Bíblia Sagrada)

• Kodi phembero isatiphedza tani tingathimbana na nyatwa?

• Khala tisacimwana kucita pizinji m’basa ya Yahova ninga kale, thangwi yanji tisafunika basi ene kunyerezera pinthu pinakwanisa ife kucita cincino?

• Ninji pinafuna kutiphedza kunyindira kuti tinawina muoni?