UMASO WATHU WACIKRISTU NA UTUMIKI–PROGRAMU YA MISONKHANO Fevereiro 2018
Mafala Akukhonda Nentsa Toera Kutomesa Makani
Kutomesa makani mukuphatisira mibvundzo iyi: Kodi Bhibhlya iciri kuphata basa mpaka lero? Iyo isabverana na siyensiya? Kodi uphungu wa m’Bhibhlya usaphata basa mu ntsiku zino?
MPFUMA ZA MAFALA A MULUNGU
Nsangani wa Tirigu na Nyakasongole
Kodi Yezu akhafuna kulonganji na nsangani unoyu? Mbani anaimirira nyakubzwala, nyamalwa na anyakubvuna?
KUKHALA MASO NINGA AKRISTU
Tisapfundzanji na Misangani Inalonga Pya Umambo
Yezu aphatisira misangani yakukhonda nentsa toera kupfundzisa ntsonga zakufunika za mafala a Mulungu. Tisapfundzanji mu kapitulu 13 ya bukhu ya Mateo?
MPFUMA ZA MAFALA A MULUNGU
Aphatisira Anyakupfundzace Akucepa Toera Kudyesa Mwinji wa Anthu
Yezu apanga anyakupfundzace kuti adyese mwinji wa anthu maseze iwo akhali na mikate mixanu na ntsomba ziwiri basi. Ninji pidacitika, pontho pisabvekanji kwa ife?
KUKHALA MASO NINGA AKRISTU
“Lemedza Babako na Mako”
Yezu agomezera ntemo unalonga ‘pyakulemedza babako na mako.’ Mulungu asafuna kuti ndzidzi onsene tilemedze anyakubalathu
MPFUMA ZA MAFALA A MULUNGU
Kodi Imwe Musanyerezera Mwakubverana na Ani?
Kodi tisafunika kucitanji toera tinyerezere mwakubverana na pinafuna Mulungu, tayu Sathani? Yezu alonga pinthu pitatu pyakuti pinatiphedza toera kucalira manyerezero akuipa.
KUKHALA MASO NINGA AKRISTU
Kuthimizira Maluso Athu mu Utumiki—Citani Mibvundzo Yakuti Inaphedza Munthu Kunyerezera
Yezu acita mibvundzo anyakubveserace toera kuapfundzisa pinthu pizinji. Tinakwanisa tani kucita mibvundzo yadidi ninga ikhacita Yezu?
MPFUMA ZA MAFALA A MULUNGU
Calirani Kugwegweduka na Kugwegwedusa Anango
Yezu aphatisira misangani toera kupangiza kuti tisafunika kucalira kucita pinthu pyakuti pinagwegwedusa ife peno anango. Ndi pinthu pipi pyakuti pinakwanisa kukugwegwedusani mu umaso wanu?
