MPFUMA ZA MAFALA A MULUNGU | MATEO 14-15
Aphatisira Anyakupfundzace Akucepa Toera Kudyesa Mwinji wa Anthu
Ndzidzi pang’ono Paskwa ya caka 32 N.W. mbidzati kucitika, Yezu acita cirengo cidalembwa na anyakulemba Maevanjelyu manai.
Kutomera ndzidzi udacita iye cirengo ceneci mpaka lero, Yezu asaphatisira anyakupfundzace akucepa toera kudyesa mwinji wa anthu.
-
Yezu apanga anyakupfundzace kuti adyese mwinji wa anthu maseze iwo akhali na mikate mixanu na ntsomba ziwiri basi
-
Yezu akwata mikate na ntsomba, buluka penepo acita phembero mbapasa anyakupfundzace toera agawire mwinji wa anthu
-
Cirengo cidacita Yezu cacitisa kuti mwinji wa anthu udye mbukhuta mpaka cakudya kusala. Iye aphatisira anyakupfundzace akucepa toera kudyesa mwinji wa anthu
-
Yezu alongeratu kuti mu ntsiku zakumalisa, iye mbadasankhula nsoka ung’ono toera upereke ‘cakudya cauzimu pa ndzidzi wakuthema.’—Mat. 24:45
-
Mu caka 1919, Yezu akhazikisa ‘m’bandazi wakukhulupirika na wandzeru,’ nsoka ung’ono wa Akristu akudzodzwa toera kutsalakana mwauzimu mwinji wa anthu
-
Kubulukira mu nsoka unoyu ung’ono wa Akristu akudzodzwa, Yezu akucita ninga pidacita iye mu pyaka dzana yakutoma, kuphatisira anyakupfundzace akucepa toera kudyesa mwinji wa anthu
Kodi ine, ndinapangiza tani kuti ndisaphedzera, pontho ndisalemedza nsoka unaphatisira Yezu toera kudyesa mwinji wa anthu mwauzimu?
