Imwe ndimwe wakufunika kuna Yahova. (Iza. 43:4) Iye akucemerani mu gulu yace toera kuntumikira. Nakuti mwaperekeka mbamubatizwa, imwe ndimwe wa Yahova. Na thangwi ineyi, iye anakutsalakanani ngakhale midzidzi inathimbana imwe na nyatwa. Kusiyapo pyenepi, iye anapangiza ufuni wandimomwene kuna imwe mukuphatisira gulu yace.—Masal. 25:10.

Ife tinakwanisa kupereka takhuta kakamwe thangwi ya ufuni wandimomwene wa Yahova, tingaona njira inaphatisira iye gulu yace toera kutiphedza pangaoneka pidengwa pyacibaliro.

ONANI VIDHYU YA NSOLO WAKUTI RELATÓRIO DA COMISSÃO DOS COORDENADORES – 2019, BULUKA PENEPO TAWIRANI MIBVUNDZO IYI:

• Kodi Comissão dos Coordenadores yakhunganya tani mabheteli pa dziko yonsene yapantsi toera kuphedza abale na alongo angagwerwa na pidengwa?

• Kodi gulu ya Yahova yapereka tani pitsogolero na ciphedzo mu ndzidzi udaoneka cidengwa ku Indoneziya na ku Nigerya?

• Ninji pinakomerwa na imwe thangwi ya ciphedzo cidapereka gulu ya Yahova mu ndzidzi wa utenda wa COVID-19?