Mafala Akukhonda Nentsa Toera Kutomesa Makani

LIZANI

●○○ ULENDO WAKUTOMA

Mbvundzo: Kodi Bhibhlya iciri kuphata basa mpaka lero?

Lemba: 2 Tim. 3:16

Siyani mbvundzo uyu: Ndi ipi ntsonga ikulu inagomezerwa m’Bhibhlya?

○●○ ULENDO WAKUBWEREZA WAKUTOMA

Mbvundzo: Ndi ipi ntsonga ikulu inagomezerwa m’Bhibhlya?

Lemba: Mat. 6:10

Siyani mbvundzo uyu: Ninji pinafuna kudzacita Umambo wa Mulungu?

○○● ULENDO WAKUBWEREZA WACIWIRI

Mbvundzo: Ninji pinafuna kudzacita Umambo wa Mulungu?

Lemba: Dan. 2:44

Siyani mbvundzo uyu: Ndi macinjo api anafuna kudzacita Umambo wa Mulungu pa dziko yapantsi?

Kutomera mwezi uno, nsonkhano wa pakati pa sumana nee unadzakhalabve na pitsandzo pitatu pya maperekero aumboni. M’mbuto mwace, Programu ya Umaso Wathu Wacikristu na Utumiki inadzakhala na mafala akukhonda nentsa toera kutomesa makani akuti anadzaphataniza mbvundzo, lemba na mbvundzo toera kuutawira paulendo wakubwereza. Pa sumana tinadzaona vidhyu ibodzi basi inafuna kupangiza njira yakutomesa makani. Paulendo wakutoma peno wakubwereza, m’mwazi mphangwa m’bodzi na m’bodzi anakwanisa kusankhula ibodzi mwa Mabukhu Anaphatisira Ife Pakupfundzisa toera kuiphatisira. Kusiyapo pyenepi, programu ya misonkhano inadzapangiza citsandzo ca ulendo wakubwereza wakutoma na waciwiri. Masasanyiro anewa anatiphedza toera kukwanirisa cifuno cathu cakupfundzisa anthu ‘onsene ali na cifuno cakukhala na umaso wakukhonda mala.’—Mac. 13:48.

Khundu ya anyakupfundza: Angakhonda kupaswa pitsogolero pinango, anyakupfundza asafunika kupangiza citsandzo ca mafala akukhonda nentsa toera kutomesa makani.

UMASO WATHU WACIKRISTU NA UTUMIKI–PROGRAMU YA MISONKHANO