Yahova asafuna kuti mabanja akhale akutsandzaya. (Mas. 127:3-5; Ekle. 9:9; 11:9) Mbwenye panango tinaluza kutsandzaya kwathu thangwi yakutsukwala na pinthu pinacitika n’dziko, pontho na madodo anacita anthu a pabanja pathu. Mphapo m’bodzi na m’bodzi asafunika kucitanji toera banja ikhale yakutsandzaya?

Mamuna asafunika kulemedza nkazace. (1 Ped. 3:7) Iye asafunika kukhala na ndzidzi wakucedza naye. Nee asafunika kudikhira kuti nkazace acite pinthu pyakuti nee anapikwanisa, pontho asafunika kupereka takhuta thangwi ya pinthu pinacita iye pabanja. (Akol. 3:15) Iye asafunika kufuna nkazace na kunsimba.—Mis. 31:28, 31.

Nkazi asafunika kuphedzera mamunace. (Mis. 31:12) Iye asafunika kumbvera na kuphedzera pisankhulo pinacita mamunace. (Akol. 3:18) Iye asafunika kulonga naye mwacilemedzo, pontho asalonga pinthu pyadidi thangwi ya iye.—Mis. 31:26.

Anyakubala asafunika kukhala na ndzidzi wakucedza na anawo. (Dheu. 6:6, 7) Iwo asafunika kupanga anawo kuti asaafuna. (Mat. 3:17) Angaasandika, iwo asafunika kucita pyenepi mwaufuni.—Aef. 6:4.

Ana asafunika kulemedza na kubvera anyakubala awo. (Mis. 23:22) Iwo asafunika kupanga anyakubala awo pinanyerezera iwo na mabvero awo. Pontho asafunika kutawira kusandikwa na anyakubala awo na kualemedza.—Mis. 19:20.

ONANI VIDHYU YA NSOLO WAKUTI KHALANI AKUTSANDZAYA M’BANJA, BULUKA PENEPO TAWIRANI MBVUNDZO UYU:

• M’bodzi na m’bodzi asafunika kucitanji toera banja ikhale yakutsandzaya?