Sumana 5-11 ya Agosto

MPFUMA ZA MAFALA A MULUNGU

1. ‘Pangani Ubalwi Unafuna Kudza’ Pya Mphambvu za Mulungu

(mph. 10)

Dhavidhi aona citsidzikizo ca Yahova pikhali iye m’phale (Mas. 71:5; Sentinela 1/9/99 tsa. 18 ndima 17)

Dhavidhi adzindikira kuti Yahova akham’phedza pikhali iye nkhalamba (Mas. 71:9; Despertai! 8/10/04 tsa. 23 ndima 3)

Dhavidhi akhawangisa aphale na atsikana mukuapanga pinthu pidancitikira (Mas. 71:17, 18; Ncenjezi 1/1/14 tsa. 23 ndima 4-5)

BVUNDZIKANI: ‘Mu mpingo mwathu, ndi m’bale upi peno mulongo asatumikira Yahova mu pyaka pizinji toera tincite mibvundzo Pakulambira kwathu kwa Banja?’

2. Mpfuma Zauzimu

(mph. 10)

Mas. 72:8—Pikiro idacita Yahova kuna Abhrahamu inagumanika pa Genesi 15:18 yakwanirisika tani mu utongi wa Mambo Salomoni? (Perspicaz vol. 1 tsa. 892)

Ntawiro wanu
Ndi mpfuma zipi zauzimu zidagumana imwe pakuleri Bhibhlya sumana ino?

Ntawiro wanu

3. Kuleri Bhibhlya

(mph. 4) Mas. 71:1-24 (Kuleri na Kupfundzisa pfundziro 5)

PFUNDZISANI MWALUSO MU UTUMIKI

4. Kutomesa Makani

(mph. 3) NYUMBA NA NYUMBA. Munthu anacedza na imwe angatoma kuipirwa, malisani makani munjira yadidi. (Funani Anthu nsolo 4 khundu 5)

5. Ulendo Wakubwereza

(mph. 4) UMBONI WANTSUSUKANO. Pitirizani kucedza na wacibale wanu wakuti asanyinyirika toera kupfundza Bhibhlya. (Funani Anthu nsolo 8 khundu 4)

6. Kufokotoza Pinakhulupira Imwe

(mph. 5) Nkhani. Perguntas Frequentes nsolo 49—Nsolo: Thangwi Yanji Mboni za Yahova Zacinja Pinthu Pinango Pinakhulupira Iwo? (Kuleri na Kupfundzisa pfundziro 17)

KUKHALA M’MASO NINGA AKRISTU

7. Maonero Toera Kuaphatisira Pakulambira Kwa Banja

(mph. 15) Nkhani yakucedza.

Ndzidzi wa Kulambira kwa Banja ndi wakufunika kakamwe toera ‘kulanga ana na kuapfundzisa mwakubverana na pinalonga Yahova.’ (Aef. 6:4) Kupfundza kusaphemba kuwangisira, mbwenye kunakwanisa kukhala kwakutsandzayisa, makamaka khala ana asafuna kupfundza undimomwene wa Bhibhlya. (Juw. 6:27; 1 Ped. 2:2) Onani bokosi yakuti “ Maonero Toera Kuaphatisira Pakulambira Kwa Banja,” akuti anaphedza anyakubala toera kucitisa Kulambira kwa Banja munjira yakuphindulisa na yakutsandzayisa. Buluka penepo citani mibvundzo iyi:

Ndi maonero api akuti musafuna kuyesera kuaphatisira?

Ntawiro wanu
Kodi mwagumana cinthu cinango cakuti cinakuphedzani?

Ntawiro wanu

MAONERO TOERA KUAPHATISIRA PAKULAMBIRA KWA BANJA

BHIBHLYA:

Bveserani audhyu ya Bhibhlya ya makapitulu anafuna kulerwi pa sumana, peno alerini mwakugaluza. M’bodzi na m’bodzi anakwanisa kuleri mafala a anthu akusiyana-siyana anagumanika m’makapitulu anewa
Khunganyikani mibvundzo mwakubverana na makapitulu analeriwi pa sumana. M’bodzi na m’bodzi anakwanisa kusankhula mbvundzo mbafufudza ntawiro wace. Buluka penepo cedzani pidapfundza imwe
Pangaoneka cinentso peno cinthu cinango, fufudzani midida ya Bhibhlya m’bukhu yakuti Malemba Toera Kuaphatisira mu Umaso Wathu Wacikristu
Citani citsandzo ca khundu idaleri imwe m’Bhibhlya
Lembani pa tsamba mavesi akusiyana-siyana a Bhibhlya masumana onsene, ninga anagumanika pa apendise A m’bhruxura yakuti Funani Anthu—Citani Anyakupfundza, pontho yeserani kukoya mavesi anewa m’manyerezero. Alerini masumana onsene toera kuakumbuka
Pfundzani khundu ibodzi ya bukhu Tsandzayani na Umaso Kwenda na Kwenda!
Pasani basa anthu a pabanja panu toera afokotoze ubodzi mwa misolo inagumanika pa khundu yakuti “Kutawirwa Kwa Mibvundzo ya Bhibhlya” peno “Textos Bíblicos Explicados” inagumanika mu jw.org pa khundu yakuti “ENSINOS BÍBLICOS”

MISONKHANO:

Khunganyikani pabodzi khundu ya misonkhano
Khunganyikani mitawiro yanu, pontho onani ndzidzi unamala imwe na kutawira
Khunganyikani nyimbo za Umambo
Cedzani, pontho yeserani toera kuona kuti munawangisa tani abale na alongo pakucedza nawo misonkhano mbidzati kutoma na pakumala kwa misonkhano
Khala m’bodzi ali na khundu ya anyakupfundza pa misonkhano ya pakati pasumana, yeserani kucita khundu ineyi pamaso pa banja yanu

UTUMIKI:

Khunganyikani kuti munamwaza tani mphangwa nyumba na nyumba
Khunganyikani kuti munacita tani maulendo akubwereza
Nyerezerani kuti munamwaza tani mphangwa mwantsusukano, pontho yeserani kuti munatomesa tani makani mwauxamwali
Cedzani kuti munakwanisa tani kucita pizinji mu utumiki mu ndzidzi wa Cikumbuso peno mu ndzidzi wa maferya a kubasa peno kuxikola

PYAKUFUNIKA PA BANJA

Khalani na makhundu akuyesera kuti munatsalakana tani pinentso pyakuti panango pinaoneka m’banja mwanu, ninga kukhonda cita khundu ya dziko, kusingirirwa, kubanyirana, peno maphwando a mafiriyadu
Pangani ananu toera akhale ninga anyakubala, imwe mukhale ninga ana. Apangeni toera afufudze pinthu pinafunika kupfundzwa, buluka penepo acedze na imwe

PINTHU PINANGO PYAKUTI MUNAKWANISA KUPICITA:

Onani programu ya JW Broadcasting^® buluka penepo cedzani pidaona imwe
Lerini pabodzi misolo ya marevista athu peno onani vidhyu ya mu jw.org, pontho cedzani thangwi ya pyenepi
Cedzani mphangwa zinango zinagumanika pa “Adolescentes e Jovens” peno “Crianças.” Makhundu anewa asagumanika pa “ENSINOS BÍBLICOS” mu jw.org
Cedzani pinthu pidapfundza imwe pa nsonkhano wa gawo peno wa cisa
Onani pinthu pidacita Yahova, buluka penepo cedzani kuti pinthu pyenepi pisatipfundzisanji thangwi ya Yahova
Midzidzi inango cemerani m’bale peno mulongo pakulambira kwanu kwa banja, buluka penepo nciteni mibvundzo
Khazikisani pifuno pyauzimu, pontho cedzani kuti munapikwanirisa tani
Fufudzani pinthu pabodzi, ninga pitsandzo pya anthu analongwa m’Bhibhlya, mapa peno matabhela

Pangizani VIDHYU Pitirizani Kucita Mwadidi Kulambira Kwanu Kwa Banja. Buluka penepo citani mbvundzo uyu:

Mamuna anacitisa tani kulambira kwa banja kwakutsandzayisa kuna nkazace khala iwo nee ali na ana panyumba?

Ntawiro wanu

8. Pfundziro ya Bhibhlya ya Mpingo

(mph. 30) Umambo Wa Mulungu Ukutonga! nsolo 10 ndima 12-19, bokosi tsa. 105 (khundu yamadyo), 107

Mafala Akumalisa (mph. 3) | Nyimbo 123 na Phembero

UMASO WATHU WACIKRISTU NA UTUMIKI–PROGRAMU YA MISONKHANO

Programu ya Misonkhano ya Umaso na Utumiki ya Sumana 5-11 ya Agosto ya 2024

Cisena

Programu ya Misonkhano ya Umaso na Utumiki ya Sumana 5-11 ya Agosto ya 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Julho ya matsa. 10-16

Mboni za Yahova

Sumana 5-11 ya Agosto

MASALMO 70-72

Nyimbo 59 na Phembero | Mafala Akutoma (mph. 1)

MPFUMA ZA MAFALA A MULUNGU