PFUNDZISANI MWALUSO MU UTUMIKI | TSANDZAYANI M’BASA YAKUMWAZA MPHANGWA
Khalani a Ntsisi
Kukhala a ntsisi ndi kubvesesa manyerezero, mabvero, makhaliro na pinthu pinafuna anango. Anthu anango anakwanisa kuona khala ife tisaabvera ntsisi, pontho khala mwandimomwene tisafuna kuaphedza. Tingabvera ntsisi anthu mu utumiki, tisatowezera ufuni na citsalakano ca Yahova, pontho pyenepi pisacitisa anthu kufuna kundziwa.—Afil. 2:4.
Ife nee tinapangiza kuti tisabvera ntsisi anthu basi ene mu ndzidzi unapfundzisa ife, mbwenye tinapangiza kuti tisabvera ntsisi anthu kubulukira munjira inaabvesera ife na inalonga ife. Kusiyapo pyenepi, ife tinapangiza kuti tisabvera ntsisi anthu kubulukira m’makhaliro athu na majesto anacita ife pakulonga. Ife tisalemedza pifuno pyawo, pinakhulupira iwo na makhaliro awo. Ife tisapereka maonero athu, mbwenye nee tisaakakamiza toera acinje maonero awo. Anthu anamwazira ife mphangwa angatawira ciphedzo cathu, pyenepi pisatitsandzayisa kakamwe.
ONANI VIDHYU YA NSOLO WAKUTI TSANDZAYANI M’BASA YAKUMWAZA MPHANGWA—THIMIZIRANI MALUSO ANU—KHALANI A NTSISI , BULUKA PENEPO TAWIRANI MIBVUNDZO IYI:
-
Rita abvera tani ntsisi Zaida pidadembuka iye?
-
Rita apangiza tani ntsisi mu ndzidzi udalonga Zaida kuti nee ali wakukhunganyika toera kupfundza?
-
Tingabvera ntsisi anthu, pinaacitisa kufuna kudziwa Yahova
Rita apangiza tani ntsisi pidalonga Zaida kuti nee asakwanisa kukhunganya pinthu pa ndzidzi wakuthema?
