M’Bhibhlya muli na pitsandzo pizinji pya anthu akuti maphembero awo atawirwa na Yahova. Atumiki a Mulungu pidaona iwo kuti Yahova abvesera maphembero awo mbaaphedza, mwakukhonda penula cikhulupiro cawo cakhala cakuwanga. Natenepa, pakucita phembero ife tisafunika kulonga cinthu cinafuna ife mbatiyesera kuona njira inatawira Yahova phembero yathu. Mbwenye tisafunika kukumbuka kuti panango Yahova anatawira phembero yathu munjira yakusiyana na ikhanyerezera ife. (2 Akor. 12:7-9; Aef. 3:20) Ndi munjira ipi yakuti Yahova anakwanisa kutawira maphembero athu?

• Tingathimbana na nyatwa, iye anakwanisa kutipasa mphambvu na cikhulupiro toera tikwanise kupirira.—Afil. 4:13

• Iye anakwanisa kutipasa udziwisi toera tikwanise kucita cisankhulo cadidi.—Tiya. 1:5

• Iye anakwanisa kutipasa cifuno na mphambvu toera ticite pinafuna iye.—Afil. 2:13

• Tingadzudzumika, iye anakwanisa kutiphedza toera tikhale akukhurudzika.—Afil. 4:6, 7

• Iye anakwanisa kuphatisira anthu anango toera kutiphedza na kutibalangaza.—1 Juwau 3:17, 18

• Iye anakwanisa kuphedza ale analonga ife m’maphembero athu.—Mabasa 12:5, 11

ONANI VIDHYU YA NSOLO WAKUTI YAHOVA NDI ‘NYAKUBVA PHEMBERO,’ BULUKA PENEPO TAWIRANI MIBVUNDZO IYI:

• Citsandzo ca M’bale Shimizu cinatiphedza tani khala nee tisakwanisa kucita pizinji thangwi ya utenda?

• Tinatowezera tani citsandzo ca M’bale Shimizu?