Thangwi yanji tisafunika kusankhula ubalangazi mwandzeru? Thangwi tingasankhula filimu, nyimbo, saiti, mabukhu, peno vidhyu game, tinadzadza manyerezero athu na pinthu pyenepi. Pisankhulo pyathu pisakhuya makhaliro athu. Mwakutsukwalisa, ubalangazi uzinji lero usapangiza pinthu pyakuti Yahova nkhabe komerwa napyo. (Masal. 11:5; Agal. 5:19-21) Ndi thangwi yace Bhibhlya isaticenjeza toera kupitiriza kucita pinthu pinapasa mbiri Yahova.—Afil. 4:8.

ONANI VIDHYU YAKUTI QUE TIPO DE ENTRETENIMENTO DEVO ESCOLHER? BULUKA PENEPO TAWIRANI MIBVUNDZO IYI:

• Ndi munjira ipi masendzekero akumenyana akhacitika ku Roma ndi sawasawa na ubalangazi unacitika lero?

• Abale na alongo mu mpingo anaphedza tani aphale na atsikana toera kusankhula ubalangazi mwandzeru?

• Lemba ya Aroma 12:9 inatiphedza tani toera kusankhula ubalangazi?

• Ndi ubalangazi upi unaphatisira imwe ncisa canu?