M’mipingo yathu muli na abale na alongo akuti asatumikira Yahova mu pyaka pizinji. Ife tinakwanisa kupfundza pizinji kuna iwo thangwi yakunyindira kwawo Yahova. Ife tinakwanisa kuacita mibvundzo thangwi ya pinthu pidacita gulu ya Yahova, pinentso pidathimbana na iwo, pontho na njira zidaaphedza Yahova toera kukunda pinentso pyenepi. Panango tinacemera m’bodzi mwa abale anewa kunyumba kwathu mu ndzidzi Wakulambira Kwa Banja toera kuncita mibvundzo ineyi.

Khala musatumikira Yahova mu pyaka pizinji longani njira zinakuphedzani Yahova kuna aphale na atsikana. Yakobe na Zuze alonga pinthu pyonsene pidaacitira Yahova kuna aphale na atsikana a m’banja mwawo. (Gen. 48:21, 22; 50:24, 25) Mukupita kwa ndzidzi, Yahova akhadikhira kuti anyakubala apfundzise anawo pinthu pyakudzumisa pidacita iye. (Deut. 4:9, 10; Masal. 78:4-7) Lero, anyakubala na anango mu mpingo anakwanisa kupanga aphale na atsikana pinthu pyakudzumisa pinacita Yahova mu gulu yace.

ONANI VIDHYU YA NSOLO WAKUTI KUKHALA AKUPHATANA MU NDZIDZI WAKUTCINGWA, BULUKA PENEPO TAWIRANI MIBVUNDZO IYI:

• Bheteli ya ku Australya yaphedza tani abale na alongo athu m’madziko akuti basa yathu isakhondeswa?

• Abale na alongo a m’madziko anewa asapitiriza tani kukhala na cikhulupiro cakuwanga?

• Thangwi yanji amwazi mphangwa azinji a ku Romenya asiya gulu ya Yahova, pontho iwo abwerera tani?

• Kodi pinthu pyenepi pidacitika pisawangisa tani cikhulupiro canu?