37:1, 2

• Lekani kutawirisa kuti kuthambaruka kwa anyakuipa mu ndzidzi uno kukudzudzumiseni kutumikira Yahova. Pitirizani kunyerezera nkhombo na pifuno pyauzimu

37:3

• Nyindirani kuti Yahova anakuphedzani mungathimbana na kupenula peno kupswipa ntima. Iye anakuphedzani toera kupitiriza kukhala wakukhulupirika

• Pitirizani kucita pizinji mu kumwaza mphangwa zadidi za Umambo wa Mulungu

37:4

• Khazikisani ndzidzi toera kuleri Bhibhlya na kunyerezera mwacidikhodikho pinaleri imwe na cifuno ca kudziwa mwadidi Yahova

37:5, 6, NM

• Khalani na cinyindiro cakukwana cakuti Yahova anakuphedzani toera kuthimbana na nyatwa yonsene

• Pitirizani kupangiza makhaliro adidi pakuthimbana na mipingizo, mitcingo peno kupambizirwa pyakuipa

37:7-9

• Calirani pinthu pyakuti pinakuberani kutsandzaya kwanu na citsidzikizo canu cauzimu

37:10

• Khalani wakupfulika na wakucepeseka, mbamudikhira kuti Yahova anadzamalisa uipi onsene unathimbana na imwe

• Phedzani Akristu andzanu, balangazani anyakutsukwala mu kuadziwisa pya cidikhiro ca dziko ipswa yakuti iri cifupi kakamwe