Nakuti ndife anthu akusowa ungwiro, ndzidzi onsene tisafunika kuwangisira toera kutonga pifuno pyathu. Tingatawirisa kuti pifuno pyathu pitikunde, nee tinakhala akutawirika kuna Yahova. Mwacitsandzo, anthu anango asafuna kakamwe cakudya, cakubvala na nyumba m’mbuto mwakufuna Mulungu. Anango asapita m’mabonde mwakukhonda kubverana na midida ya Mulungu, basi ene toera kukwanirisa pifuno pyawo. (Aroma 1:26, 27) Pontho anthu anango asatawira kucita pinthu pyakuipa pinacita andzawo toera akhale akutawirika kuna iwo.—Eks. 23:2.

Tinakwanisa tani kupitiriza kutonga pifuno pyathu? Ife tisafunika kuwangisira toera kucita pinakomeresa Yahova. (Mat. 4:4) Kusiyapo pyenepi, ife tisafunika kuphemba Yahova toera atiphedze kutonga manyerezero athu. Thangwi yanji? Thangwi iye asadziwa pinthu pyadidi kuna ife, pontho asadziwa kuti tinakwanirisa tani mwadidi pifuno pyathu.—Masal. 145:16.

ONANI VIDHYU YA NSOLO WAKUTI NÃO DEIXES QUE O FUMO DESTRUA A TUA VIDA, BULUKA PENEPO TAWIRANI MIBVUNDZO IYI:

• Thangwi yanji anthu anango asafumali?

• Ninji pinafuna kucitika kuna imwe mungafumali?

• Thangwi yanji kufumali ndi kwakuipa?

• Munakwanisa tani kukhonda kufumali peno kusiya kufumali?