KUKHALA M’MASO NINGA AKRISTU

Munakhunganyika Tani Toera Kuthimbana na Nyatwa Yakusowa Kobiri?

LIZANI

Ife nee tisadzudzumika dziko ingathimbana na nyatwa yakusowa kobiri. Thangwi yanji? Thangwi ife tiri kukhala kunkhomo kwa ntsiku zakumalisa, pontho Bhibhlya isaticenjeza toera tikhonde kunyindira “mpfuma yakukhonda kunyindirika.” (1 Tim. 6:17; 2 Tim. 3:1) Citsandzo ca Mambo Yosafate cisatipfundzisanji thangwi ya kukhunganyika toera kuthimbana na nyatwa?

Mu ndzidzi ukhafuna iye kuthimbana na anyamalwa, Yosafate anyindira Yahova. (2 Kro. 20:9-12) Kusiyapo pyenepi, iye aikha anyankhondo m’mizinda na kumanga mipanda. (2 Kro. 17:1, 2, 12, 13) Ninga Yosafate, ife tisafunikambo kunyindira Yahova mbatikhala akukhunganyika.

TINAKHUNGANYIKA TANI TOERA KUTHIMBANA NA NYATWA YAKUSOWA KOBIRI?

Khunganyikani mwauzimu: Komerwani na piri na imwe, pontho nyindirani kuti Yahova anakwanisa kukupasani pinafuna imwe ntsiku na ntsiku. (Mat. 6:26; 1 Tim. 6:8) Khalani akutonga kuphatisira midida ya Bhibhlya toera mukwanise kugumana pinthu pyenepi pinafuna imwe. (Aroma 2:21) Khunganyikani toera mukwanise kuleri Bhibhlya na mabukhu akubuluswa m’Bhibhlya magetsi angathima peno mungasowa interneti. Koyani mabukhu mangasi akudhindwa, pontho pingakwanisika, bhaxarini mabukhu anewa mwanyapantsi.

Khunganyikani pinthu pyakumanungo: Pungulani mangawa, pontho calirani kugula pinthu pyakukhonda funika kakamwe. (Mis. 22:7) Pingakwanisika, koyani cakudya na pinthu pinango pyakufunika. Anango asaona kuti pisaphedza kubzwala peno kutceka masamba, matimati na pinthu pinango toera akhonde kubvunga kobiri izinji.

ONANI VIDHYU YA NSOLO WAKUTI MULI WAKUKHUNGANYIKA TOERA KUTSIDZIKIZIKA CIDENGWA CACIBALIRO CINGACITIKA?, BULUKA PENEPO TAWIRANI MIBVUNDZO IYI:

Tinakhunganyika tani cidengwa mbacidzati kucitika?

Your answer

Tinakhunganyika tani toera kuphedza anango?

Your answer

UMASO WATHU WACIKRISTU NA UTUMIKI–PROGRAMU YA MISONKHANO