Sumana 6-12 ya Maio
MASALMO 36-37
Nyimbo 87 na Phembero | Mafala Akutoma (mph. 1)
1. “Leka Kuipirwa na Anthu Akuipa”
(mph. 10)
Anthu akuipa asatibweresera nyatwa (Mas. 36:1-4; Ncenjezi 04.17 tsa. 11 ndima 4)
Kukoya kuipirwa muntima thangwi ya “anthu akuipa” kunatiphekesa (Mas. 37:1, 7, 8; Ncenjezi 06.22 tsa. 10 ndima 10)
Kunyindira mapikiro a Yahova kusaticitisa kukhala akukhurudzika (Mas. 37:10, 11; Ncenjezi 08.22 tsa. 11 ndima 11)
BVUNDZIKANI: ‘Kodi ine ndisaona kakamwe mphangwa zinalonga pya uphanga?’
2. Mpfuma Zauzimu
(mph. 10)
-
Mas. 36:6—Kodi nyamasalmo akhafuna kulonganji pidalonga iye ulungami wa Yahova ninga “mapiri makulu kakamwe” peno “ninga mapiri a Mulungu”? (Perspicaz vol. 2 tsa. 410)
-
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mas. 37:1-26 (Kuleri na Kupfundzisa pfundziro 10)
4. Kutomesa Makani
(mph. 3) NYUMBA NA NYUMBA. (Funani Anthu nsolo 1 khundu 5)
5. Ulendo Wakubwereza
(mph. 4) UMBONI WANTSUSUKANO. Yeserani kutomesa pfundziro ya Bhibhlya na munthu wakuti kale nee akhafuna kupfundza Bhibhlya. (Funani Anthu nsolo 9 khundu 4)
6. Nkhani
(mph. 5) Ncenjezi 1/9/14 tsa. 32—Nsolo: Kodi Yahova Mbadatawirisa Kuti Akristu Asowe Cakudya? (Mas. 37:4) (Kuleri na Kupfundzisa pfundziro 13)
Nyimbo 33
7. Muli Wakukhunganyika Toera Kuthimbana na “Nyatwa”?
(mph. 15) Nkhani yakucedza.
Abale na alongo athu pa dziko yonsene asathimbana na nyatwa za kuferwa na anyakufunika awo, pontho asaluza pinthu pyawo pyakumanungo thangwi ya pidengwa pyacibaliro na pidengwa pinango. (Mas. 9:9, 10) Mwandimomwene “nyatwa” zinakwanisa kutigwera mwakukhonda dikhira, na thangwi ineyi, tisafunika kukhala akukhunganyika toera kuthimbana nazo.
Kusiyapo kukhunganyika pinthu pyakumanungo toera kupulumuka, a ndi pinthu pipi pinango pinafuna kutiphedza toera kuthimbana na nyatwa zenezi?
-
Khunganyikani manyerezero anu: Dziwani kuti pidengwa pisacitika, pontho munacitanji pingacitika kunakhala imwe. Lekani kufuna kakamwe pinthu pyakumanungo. Pyenepi pinakuphedzani toera kucita pinthu mwandzeru na mwakucimbiza, pontho pinakuphedzani toera kunyerezera pinthu pinafuna kupulumusa umaso wanu na wa anango, m’mbuto mwakufuna kutsidzikiza pinthu pyanu. (Gen. 19:16; Mas. 36:9) Kusiyapo pyenepi, mungakhonda kufuna kakamwe pinthu pyakumanungo, munakwanisa kupirira mungaluza pinthu thangwi ya cidengwa.—Mas. 37:19.
-
Khunganyikani mwauzimu: Nyindirani kakamwe kuti Yahova anakutsalakanani, pontho iye asafuna kucita pyenepi. (Mas. 37:18) Cidengwa mbacidzati kucitika, ndzidzi onsene kumbukani kuti Yahova anatipasa pitsogolero na kutiphedza, ngakhale tipulumuke mbatiluza pinthu pyathu pyonsene pyakumanungo.—Yer. 45:5; Mas. 37:23, 24.
Tingakhulupira kuti Yahova anadzakwanirisa mapikiro ace, iye anakhala ‘mbuto yathu yakuthawira m’midzidzi ya nyatwa.’—Mas. 37:39.
Pangizani VIDHYU Muli Wakukhunganyika Toera Kutsidzikizika Cidengwa Cingacitika? Buluka penepo citani mibvundzo iyi:
-
Yahova anatiphedza tani pangacitika cidengwa?
-
Tisafunika kucitanji toera kukhunganyika?
-
Tinaphedza tani ale adagwerwa na cidengwa?
8. Pfundziro ya Bhibhlya ya Mpingo
(mph. 30) Umambo Wa Mulungu Ukutonga! nsolo 6 ndima 8-15 bokosi tsa. 63
