Kupfundzisa mwakugalamuka ndi kwakufunika kakamwe. Thangwi tingapfundzisa mwakugalamuka, anthu anabvesera mwadidi pinalonga ife. Kusiyapo pyenepi, tinapangizambo kuti tisalemedza mphangwa zinalonga ife. Mwakukhonda tsalakana makhaliro athu peno njira idakula ife, ife tinakwanisa kupfundzisa mwakugalamuka. (Aroma 12:11) Tinakwanisa tani kucita pyenepi?

Cakutoma, nyerezerani kufunika kwa mphangwa zinamwaza imwe. Imwe muli na mwai ‘wakumwaza mphangwa zadidi za pinthu pyadidi!’ (Aroma 10:15) Caciwiri, nyerezerani kuti mphangwa zadidi zinaphedza tani ale anamwazira ife. Dziwani kuti iwo asafuna kakamwe mphangwa zenezi. (Aroma 10:13, 14) Pakumalisa, longani mwacipapo mukuphatisira majesto, pontho yang’anani munthu analonga na imwe.

ONANI VIDHYU YA NSOLO WAKUTI TSANDZAYANI M’BASA YAKUMWAZA MPHANGWA—THIMIZIRANI MALUSO ANU—PFUNDZISANI MWAKUGALAMUKA , BULUKA PENEPO TAWIRANI MIBVUNDZO IYI:

• Thangwi yanji Rita aipirwa na nyakupfundzace wa Bhibhlya anacemerwa Zaida?

• Ninji pidaphedza Rita toera kupfundzisa pontho mwakugalamuka?

• Thangwi yanji tisafunika kuona makhaliro adidi a anthu anamwazira ife mphangwa?

• Kupfundzisa mwakugalamuka kunaphedza tani anyakupfundza a Bhibhlya na anthu anango?