UMASO WATHU WACIKRISTU NA UTUMIKI–PROGRAMU YA MISONKHANO Outubro 2016

Maperekero Aumboni

Maonero toera kugawira Despertai!, micemerero ya misonkhano ya mpingo na undimomwene wa Bhibhlya thangwi ya pinaticitikira tingafa. Phatisirani pitsandzo toera kulemba maperekero anu aumboni.

Sumana 3-9 ya Malandalupya

MPFUMA ZA MAFALA A MULUNGU

“Khulupira Yahova na Ntima Wako Onsene”

Bukhu ya Misangani 3 isatinyindira kuti Yahova Mulungu anadzatipasa sagwati thangwi ya kun’nyindira. Munadzindikira tani kuti musanyindira Yahova na ntima onsene?

Sumana 10-16 ya Malandalupya

MPFUMA ZA MAFALA A MULUNGU

‘Leka Kutawirisa Ntima Wako Utayike’

Misangani 7 isafokotoza kuti mphale agwa tani mu nsampha wa madawo mu ndzidzi udatayika ntima wace ku matongero a Yahova. Tinapfundzanji kubulukira ku madodo ace?

Sumana 17-23 ya Malandalupya

MPFUMA ZA MAFALA A MULUNGU

Udziwisi Ndi Wadidi Kakamwe Kupiringana Ndalama

Misangani kapitulu 16 isalonga kuti mphyadidi kakamwe kukhala na udziwisi kupiringana ndalama. Thangwi yanji udziwisi wa Mulungu ndi wakufunika?

KUKHALA MASO NINGA AKRISTU

Munakwanisa Tani Kupereka Matawiro Adidi

Matawiro adidi asaphindulisa nyakutawira pabodzi na mpingo. Ntawiro wadidi usakhala tani?

Sumana 24-30 ya Malandalupya

MPFUMA ZA MAFALA A MULUNGU

Khalani Mwantendere na Anthu Onsene

Ntendere pakati pa atumiki a Yahova Mulungu nee usacitika okha. Tinakwanisa kuphatisira Mafala a Mulungu toera kumalisa kukhonda kubverana mbatikhazikisa ntendere.