• Lembani cisa canu, nseu na numero ya nyumba yanu. Mungaona kuti nee pyathema kulemba pyenepi, akulu a mpingo angakutawirisani lembani mbuto inagumanika Nyumba ya Umambo. Mbwenye LEKANI kulemba mbuto inagumanika Bheteli, gopa angafuna kukutawirani analembera Bheteli.

• Phatisirani dzina ya munthu khala musaidziwa. Pyenepi pinam’phedza toera akhonde kuona tsamba ineyi ninga ncemerero wa malonda.

• Musafunika kuonesesa mwadidi malembero, mafala na maponto, pontho tsamba ineyi isafunika kukhala na maonekero adidi. Khala mwailemba na manja, maletrace asafunika kukhala akuoneka mwadidi, pontho phatisirani mafala acilemedzo.

Tsamba inaona ife pakhundu apa isatipasa maonero a pinafunika ife kulemba tingafuna kulembera munthu tsamba, mbwenye ndzidzi onsene unafuna ife kulemba tsamba nkhabe funika kukopyari pyonsene piri penepa. Lembani tsamba yanu mwakubverana na cifuniro canu, makhaliro peno misambo ya pacisa.