Yahova asafuna kuti tintumikire thangwi tisanfuna. (Mat. 22:37, 38) Kufuna Mulungu kunaphedza anyakupfundza Bhibhlya toera kucita macinjo na kupirira pinentso. (1 Juwau 5:3) Kufuna kwawo Mulungu kunaaphedza toera kubatizwa.

Phedzani anyakupfundza anu toera kuona kuti Mulungu asaafuna. Abvundzeni: “Pyenepi pisatipfundzisanji thangwi ya Yahova?” peno “Pyenepi pisapangiza tani kuti Mulungu asakufunani?” Aphedzeni toera kuona kuti Yahova asaaphedza tani. (2 Pya dziko. 16:9) Apangeni pitsandzo pinapangiza kuti Yahova atawira maphembero anu, pontho awangiseni toera aone kuti Yahova asatawira tani maphero awo. Mphyakutsandzayisa kakamwe nyakupfundza Bhibhlya angaona kuti asafuniwa na Yahova, mbapangizambo kuti asanfuna, pontho asafuna kukhala xamwali wace.

ONANI VIDHYU YA NSOLO WAKUTI PHEDZANI ANYAKUPFUNDZA ANU A BHIBHLYA TOERA AKULISE UXAMWALI WAWO NA YAHOVA, BULUKA PENEPO TAWIRANI MIBVUNDZO IYI:

• Ndi pinentso pipi pidathimbana na Zaida?

• Rita aphedza tani Zaida?

• Zaida akunda tani pinentso?