Anakhala na uxamwali wakuwanga na Yahova basi ene ndi anthu akuti ali na makhaliro adidi. (1 Ped. 1:14-16) Anyakupfundza a Bhibhlya angakunda misambo yakuipa anakhala na banja yakutsandzaya, ungumi wadidi, pontho anaphatisira mwadidi kobiri.

Apangeni pinthu pinakomerwa na Yahova na pinaipirwa na iye, pontho apangeni kuti thangwi yanji ndi pyadidi kubvera pitsogolero pyace. Phedzani anyakupfundza anu toera acinje manyerezero awo mbacita pinakomeresa Yahova. (Aef. 4:22-24) Apaseni cinyindiro cakuti Yahova anaaphedza toera akwanise kusiya misambo yakuipa. (Afil. 4:13) Apfundziseni kuti angathimbana na manyerezero akucita pinthu pyakuipa asafunika kucita phembero kuna Yahova. Phedzani anyakupfundza anu toera anyerezere pinthu pyakuti pinaacitisa kukhala na manyerezero akuipa, mbaona kuti anapicalira tani. Mphedzeni toera asiye misambo yakuipa mbacita pinthu pyakuti pinamphedza. Imwe munakhala wakutsandzaya mungaona nyakupfundza wanu wa Bhibhlya mbakacita macinjo na ciphedzo ca Yahova.

ONANI VIDHYU YA NSOLO WAKUTI PHEDZANI ANYAKUPFUNDZA ANU A BHIBHLYA TOERA AKUNDE MISAMBO YAKUIPA, BULUKA PENEPO TAWIRANI MIBVUNDZO IYI:

• Akulu a mpingo pabodzi na Rita apangiza tani kuti anyindira Zaida?

• Rita acitanji pontho toera kuphedza Zaida kuti asiye nsambo wace wakuipa?

• Zaida asaka tani ciphedzo ca Yahova?