Sumana 1-7 ya Abril
MASALMO 23-25
Nyimbo 4 na Phembero | Mafala Akutoma (mph. 1)
1. “Yahova Ndi Nkumbizi Wanga”
(mph. 10)
Yahova asatitsogolera na kutitsidzikiza (Mas. 23:1-4; Ncenjezi 01.22 tsa. 3-4 ndima 5-6)
Yahova asatidyesa (Mas. 23:5; Achegue-se a Jeová tsa. 76 ndima 21)
Yahova asatsalakana atumiki ace ninga pinacita nkumbizi waufuni kuna mabira ace.
BVUNDZIKANI: ‘Kodi Yahova asanditsalakana tani?’
2. Mpfuma Zauzimu
(mph. 10)
Mas. 23:3—‘Njira zaulungami’ ninji, pontho ninji pinafuna kutiphedza toera tikhonde kusiya njira zenezi? (Sentinela 15/2/11 tsa. 24 ndima 1-3)
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mas. 23:1–24:10 (Kuleri na Kupfundzisa pfundziro 5)
4. Kutomesa Makani
(mph. 3) UMBONI WANTSUSUKANO. Lerini vesi ya Bhibhlya yakuwangisa kuna munthu adalonga kuti ali wakudzudzumika thangwi ya makhaliro akudambo. (Funani Anthu nsolo 2 khundu 5)
5. Ulendo Wakubwereza
(mph. 4) NYUMBA NA NYUMBA. Pangizani kuti tisacitisa tani pfundziro ya Bhibhlya kuna munthu adatambira bhruxura Tsandzayani na Umaso Kwenda na Kwenda!. (Funani Anthu nsolo 9 khundu 3)
6. Kucita Anyakupfundza
(mph. 5) Tsandzayani na Umaso Kwenda na Kwenda! nsolo 14 khundu 4 (Funani Anthu nsolo 11 khundu 3)
Nyimbo 54
7. Nee Tisafunika Kubvesera Fala ya Munthu Anakhonda Ife Kudziwa
(mph. 15) Nkhani yakucedza.
Mabira asadziwa fala ya nkumbizi wawo, pontho asam’bvera. Mbwenye asathawa angabva fala ya munthu anakhonda iwo kudziwa. (Juw. 10:5) Munjira ibodzi ene, ife tisabvera mafala a akumbizi athu akunyindirika na aufuni, Yahova na Yezu. (Mas. 23:1; Juw. 10:11) Mbwenye nee tisafunika kubvesera mafala a anthu anakhonda ife kudziwa akuti asayesera kufewesa cikhulupiro cathu na “mafala akunyengeza.”—2 Ped. 2:1, 3.
Kapitulu yacitatu ya Genesi isafokotoza ulendo wakutoma udabviwa fala ya munthu wakukhonda dziwika pa dziko yapantsi. Sathani aphatisira nyoka toera kulonga na Eva, natenepa Eva nee akhadziwa munthu akhalonga na iye. Sathani asangizira kukhala xamwali wace, pontho alonga uthambi thangwi ya Yahova. Mwakutsukwalisa, Eva abvesera Sathani, pontho pyabweresa nyatwa kuna iye pabodzi na banjace.
Lero Sathani asayesera kuphatisira mphangwa zauthambi toera kuticitisa kupenula Yahova na gulu yace. Tingabva fala ya munthu wakuti nee tisandziwa, nee tisafunika kumbvera. Thangwi kubvera pinalonga iye ndi kwakugopswa, ngakhale mu ndzidzi wakucepa. Sathani aphatisira mafala akucepa toera kupeusa Eva mu ndzidzi udacedza iwo. (Gen. 3:1, 4, 5) Mphapo ndiye tani khala munthu anadziwa ife asafuna kutipanga mphangwa zakuipa thangwi ya gulu ya Yahova?
Pangizani VIDHYU Lekani Kubvesera ‘Fala ya Munthu Anakhonda Imwe Kudziwa.’ Buluka penepo citani mbvundzo uyu:
Mwapfundzanji na pinthu pidacita Zaida mu ndzidzi ukhafuna kumpanga mai wace mphangwa zakuipa thangwi ya gulu ya Yahova?
8. Pfundziro ya Bhibhlya ya Mpingo
(mph. 30) Umambo Wa Mulungu Ukutonga! nsolo 4 ndima 16-23, bokosi tsa. 48
