Sumana 29 ya Abril–5 ya Maio
MASALMO 34-35
Nyimbo 10 na Phembero | Mafala Akutoma (mph. 1)
1. “Simbani Yahova Ndzidzi Onsene”
(mph. 10)
Dhavidhi asimba Yahova ngakhale m’midzidzi ikhathimbana iye na nyatwa (Mas. 34:1; Sentinela 1/3/07 tsa. 22 ndima 11)
Dhavidhi nee akhapasika mbiri, mbwenye akhapasa mbiri Yahova (Mas. 34:2-4; Sentinela 1/3/07 tsa. 22 ndima 13)
Mafala akusimba a Dhavidhi awangisa andzace (Mas. 34:5; Sentinela 1/3/07 tsa. 23 ndima 15)
Pidapulumuka iye m’manja mwa Abhimeleki, amuna akukwana 400 akuti nee akhakomerwa na njira ikhatonga Sauli, aenda kakhala na Dhavidhi n’thando. (1 Sam. 22:1, 2) Panango Dhavidhi akhanyerezera amuna anewa mu ndzidzi udalemba iye masalmo 34.—Mas. 34, mafala akutoma.
BVUNDZIKANI: ‘Ndinasimba tani Yahova mu ndzidzi unacedza ine na m’bale peno mulongo pa misonkhano ya mpingo?’
2. Mpfuma Zauzimu
(mph. 10)
-
Mas. 35:11—Mwakubverana na vesi ineyi, ninji pidacitikira Yezu pikhali iye pa dziko yapantsi? (Sentinela 15/8/11 tsa. 14 ndima 9)
-
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mas. 34:1-22 (Kuleri na Kupfundzisa pfundziro 5)
4. Kutomesa Makani
(mph. 2) UMBONI WANTSUSUKANO. Makani anu asamala mbamudzati kwanisa kupereka umboni. (Funani Anthu nsolo 1 khundu 4)
5. Ulendo Wakubwereza
(mph. 4) UMBONI WANTSUSUKANO. (Funani Anthu nsolo 2 khundu 4)
6. Kufokotoza Pinakhulupira Imwe
(mph. 5) Citsandzo. Tsandzayani na Umaso Kwenda na Kwenda! nsolo 44 khundu 1-3—Nsolo: Mboni za Yahova Zisadziwa Tani Kuti Mafiriyadu Anango Nee Ndi Akutawirika? (Kuleri na Kupfundzisa pfundziro 17)
Nyimbo 59
7. Njira Zitatu Zakusimba Yahova pa Misonkhano
(mph. 15) Nkhani yakucedza.
Misonkhano ya mpingo isatipasa miyai yadidi toera kusimba Yahova. Onani njira zitatu.
Kucedza: Longani pya udidi wa Yahova pakucedza na anango. (Mas. 145:1, 7) Kodi imwe mwabva peno mwaleri mphangwa zakuti zakuphedzani? Kodi mwacitikirwa na pinthu pyadidi mu utumiki? Mwawangiswa na m’bale peno mulongo kubulukira m’mafala peno pinthu pidacita iye? Kodi imwe mwaona cinthu cidacita Yahova cakuti cakudzumatirisani? Pinthu pyenepi pyonsene ndi miyoni ya Yahova. (Tiya. 1:17) Fikani nakweru pa misonkhano toera mukwanise kucedza na anango.
Kutawira: Wangisirani toera mukwanise kupereka ntawiro ubodzi pa misonkhano. (Mas. 26:12) Imwe munakwanisa kutawira mbvundzo udacitwa, kulonga ntsonga zinango thangwi ya mbvundzo unoyu, kufokotoza lemba, foto peno njira inafuna ife kuphatisira mphangwa zenezi. Nakuti anango analamusambo manja toera kutawira, khunganyikani mitawiro mizinji. Tingatawira m’masegundu 30 peno akucepa, azinji anakwanisambo ‘kupereka ntsembe yakusimba Mulungu.’—Aheb. 13:15.
Nyimbo: Imbani nyimbo za Umambo mwakugalamuka. (Mas. 147:1) Panango nee munathonyiwa toera kutawira pa misonkhano, makamaka khala muli mu mpingo ukulu, mbwenye munakwanisa kuimba nyimbo. Maseze munyerezere kuti nee musaimba mwadidi, kuwangisira kwanu kunatsandzayisa Yahova. (2 Akor. 8:12) Imwe munakwanisa kukhunganyika kunyumba toera mukwanise kuimba mwadidi.
Pangizani VIDHYU Kuthambaruka Kwa Gulu Yathu—Muoni wa Nyimbo, Khundu 1. Buluka penepo citani mbvundzo uyu:
Kutomera kale, tisapangiza tani kuti kuimba nyimbo zakusimba Yahova ndi kwakufunika mu gulu yathu?
8. Pfundziro ya Bhibhlya ya Mpingo
(mph. 30) Umambo Wa Mulungu Ukutonga! nsolo 6 ndima 1-7, bokosi tsa. 58-59
