• Mas. 16:2, 4—Dhavidhi akhaona tani mitemo ya Yahova na midida yace, pontho thangwi yanji? (Ncenjezi 12.18 tsa. 25 ndima 16)

  Ntawiro wanu

• Ndi mpfuma zipi zauzimu zidagumana imwe pakuleri Bhibhlya sumana ino?

  Ntawiro wanu

Nakuti tisabvera ntemo wa Yezu, n’Dimingu, ntsiku 24 ya Março tinakumbuka kufa kwa Yezu, kwakuti ndi cipangizo ca ufuni ukulu kakamwe wa Yahova na Mwanace. (Luka 22:19; Juw. 3:16; 15:13) Mphapo tinakhunganyika tani Cikumbuso ceneci?

• Khalani aphinga mu kampanya toera kucemera anthu kuti agumanike pa nkhani yakupambulika na ya Cikumbuso. Lembani madzina a anthu anafuna imwe kugawira micemerero, pontho acemereni. Khala anango nee asakhala mucisa canu, pitani mu jw.org toera kuona ndzidzi na mbuto ya misonkhano mucisa cawo

• Thimizirani utumiki wanu mwezi wa Março na Abril. Kodi imwe munakwanisa kutumikira ninga mpainiya wakuphedza mbamupereka maora 15 peno 30?

• Ntsiku 18 ya Março, tomani kuleri pinthu pyakufunika kakamwe pidacitika pa sumana yakumalisa ya umaso wa Yezu pa dziko yapantsi. Imwe munakwanisa kusankhula mphangwa zinafuna kuleri imwe pa ntsiku mu “Ndandanda ya 2024 ya Kuleri Bhibhlya Ndzidzi wa Cikumbuso” inagumanika pa tsamba 6-7

• Ntsiku ya Cikumbuso, onani vidhyu yakuti Kulambira Kunacitwa Namacibese mu jw.org

• Pa Cikumbuso, tambirani mwadidi anthu apswa na ale adasiya kusonkhana na kumwaza mphangwa. Khalani dzololo toera kutawira mibvundzo inafuna kucita iwo. Citani masasanyiro toera kucedzera ale adagumanika pa Cikumbuso toera kuaphedza kuti adziwe pizinji

• Cikumbuso mbacidzati kucitwa na pakumala kwa Cikumbuso, nyerezerani kufunika kwa ciomboli

Pangizani VIDHYU Kumbukani Kufa Kwa Yezu. Buluka penepo citani mbvundzo uyu:

Tinaphatisira tani vidhyu ineyi mu ndzidzi wa kampanya ya Cikumbuso?