PFUNDZISANI MWALUSO MU UTUMIKI | MUNAKWANISA TANI KUKHALA AKUTSANDYAYA MU UTUMIKI?
Phatisirani Bhibhlya
Mafala a Mulungu ndi amphambvu. (Aheb. 4:12) Iwo anakwanisa kukhuya mitima ya anthu akuti nkhabe kudziwa Mulungu. (1 Ates. 1:9; 2:13) Natenepa ife tisatsandzaya kakamwe tingagumana munthu wakuti asakomerwa na undimomwene wa Bhibhlya.
ONANI VIDHYU YA NSOLO WAKUTI MUNATSANDZAYA TANI M’BASA YAKUCITA ANYAKUPFUNDZA?—THIMIZIRANI MALUSO ANU—KUPHATISIRA MPHAMBVU YA MAFALA A MULUNGU, BULUKA PENEPO TAWIRANI MIBVUNDZO IYI:
-
Rita aphatisira tani mphambvu ya Mafala a Mulungu toera kuphedza Zaida kuti aone kufunika kwa undimomwene wa Bhibhlya?
-
Rita aphatisira tani mphambvu ya Mafala a Mulungu mu ndzidzi udaphemba iye Zaida toera aleri lemba mwakugaluza kuti abvesese undimomwene wa Bhibhlya?
-
Ninji pinapangiza kuti lemba ineyi yakhuya ntima wa Zaida, pontho ndi mabvero api adakhala na Rita?
