Yahova ndi “Mulungu wakutsandzaya,” natenepa iye asafuna kuti tikhale akutsandzaya mu utumiki. (1 Tim. 1:11) Tingakulisa maluso athu mu utumiki, tinakhala akutsandzaya kakamwe. Kucita mibvundzo kunatiphedza toera kutomesa makani munjira yadidi na kukulisa cifuno ca munthu anacedza na ife. Mibvundzo isacitisa anthu kunyerezera pinacedza ife. (Mat. 22:41-45) Kucita mibvundzo kuna munthu anacedza na ife na kubvesera mwadidi matawiro ace pinamphedza toera kuona kuti ndi wakufunika kuna ife. (Tiya. 1:19) Pontho matawiro ace anatiphedza toera kucedza mwadidi.

ONANI VIDHYU YA NSOLO WAKUTI MUNATSANDZAYA TANI M’BASA YAKUCITA ANYAKUPFUNDZA?—THIMIZIRANI MALUSO ANU—CITANI MIBVUNDZO , BULUKA PENEPO TAWIRANI MIBVUNDZO IYI:

• Ndi makhaliro api adidi adapangiza Zaida?

• Kodi Rita aphatisira tani mibvundzo toera kukulisa cifuno?

• Rita aphatisira tani mibvundzo toera Zaida akhale na cifuno cakubvesera mphangwa zadidi?

• Mibvundzo idacita Rita yaphedza tani Zaida toera kunyerezera lemba idaleri iye?