Ife tinakwanisa kupfundza pizinji kubulukira mu pinthu pidacitikira Aizraeli n’thando ya Moabhe. (1 Akor. 10:6, 8, 11) Aizraeli adacita uxamwali na akazi akhalambira madzimunthu na aulukwali a ku Moabhe adzacita madawo makulu kuna Yahova. Pyenepi pyacitisa kuti Aizraeli azinji aphiwe. (Num. 25:9) Lero, ife tisakhala pabodzi na andzathu akubasa, akuxikola, mavizinyu, acibale athu na anango akuti nee asalambira Yahova. Kodi pinthu pidacitikira Aizraeli anewa pisatipfundzisanji thangwi ya ngozwi yakucita uxamwali na anthu akuti nee asalambira Yahova?

ONANI VIDHYU YA NSOLO WAKUTI PITSANDZO PYAKUTI PISATICENJEZA MU NTSIKU ZINO, BULUKA PENEPO TAWIRANI MIBVUNDZO IYI:

• Ndi manyerezero api akuphonyeka adalonga Zinri pabodzi na andzace kuna Yamini?

• Ndi pinthu pipi pidalonga Fineya pyakuti pyaphedza Yamini?

• Kucita udidi kuna munthu wakuti nee asatumikira Yahova pyasiyana tani na kucita naye uxamwali?

• Thangwi yanji tisafunika kucita mphole-mphole pakusankhula axamwali ngakhale mu mpingo?

• Thangwi yanji tisafunika kucalira kucita uxamwali mu interneti na anthu akuti nee tisaadziwa?