MPFUMA ZA MAFALA A MULUNGU | GENESI 29-30
Kumanga Banja Kwa Yakobe
Yakobe nee akhadziwa pinentso pikhafuna kuthimbana na iye thangwi yakumanga banja. Rakeli na Leya adzakhala akhaziba. (Gen. 29:32; 30:1, 8) Mwakukhonda tsalakana pinentso, Yakobe aona kuti Yahova akhali na iye. (Gen. 30:29, 30, 43) Dzindza ya Yakobe yadzakhala mbumba ya Izraeli.—Rute 4:11.
Lero, ale anasankhula kumanga banja anathimbana na pinentso. (1 Akor. 7:28) Ngakhale tenepo, iwo anakwanisa kukhala na banja yakutsandzaya anganyindira Yahova na kuphatisira midida ya Bhibhlya.—Mis. 3:5, 6; Aef. 5:33.
