THANGWI YANJI MPHYAKUFUNIKA: Maboliboli azinji nee asakhala akusudzuka kucedza na anthu akuti nee asadziwa. Na thangwi ineyi, tisafunika kukhala na maluso toera kuamwazira mphangwa. Yahova asafuna maboliboli. (Lev. 19:14) Ife tinakwanisa kutowezera citsandzo cace mukuphedza maboliboli toera kupfundza pya Yahova.

TINACITA TANI PYENEPI:

• Tisafunika ‘kusaka’ maboliboli. (Mat. 10:11) Alipo anadziwa imwe mwa acibale anu wakuti ndi boliboli? Kodi mucisa canu muli na maxikola, peno mbuto zinango zinatsalakanwa maboliboli akuti asatawira mabukhu athu adacitirwa maboliboli?

• Kupangiza citsalakano. Mungapangiza citsalakano kuna maboliboli, pinakhala pyakukhonda nentsa kuna iwo toera kucedza na imwe mwakusudzuka. Tomesani makani mwakubverana na pinthu pinacitika mucisa canu

• Kupereka mabukhu kuna maboliboli akuti anaaphedza toera kudziwa mwadidi Yahova. Gulu yathu isabulusa mabukhu akusiyana-siyana toera kuphedza maboliboli. Abvundzeni toera kudziwa pinthu pinakomerwa na iwo kupfundza. Muyang’aniri wa basa ya m’munda asafunika kukhala na cinyindiro cakuti mabukhu a maboliboli aphembwa mwakubverana na anthu adaaphemba