PFUNDZISANI MWALUSO MU UTUMIKI | TSANDZAYANI M’BASA YAKUMWAZA MPHANGWA
Phedzani Anyakupfundza Anu a Bhibhlya Toera Adziwe Kuti Anapfundza Tani Mafala a Mulungu
Toera anyakupfundza anu adziwe mwadidi Yahova na kuthambaruka mwauzimu, asafunika kupfundza pizinji kupiringana pire pinaapfundzisa imwe. (Mat. 5:3; Aheb. 5:12–6:2) Iwo asafunikambo kudziwa kuti anapfundza tani okhene Mafala a Mulungu.
Kubulukira pa ntsiku inatoma imwe kucitisa pfundziro ya Bhibhlya, phedzani nyakupfundza wanu toera adziwe kuti anakhunganyika tani pfundziro yace, pontho muwangiseni toera acite pyenepi. (mwb18.03 6) Wangisani anyakupfundza anu toera acite phembero mbadzati kutoma kucita pfundziro ya munthu paekha. Aphedzeni toera adziwe kuti anakwanisa tani kupita mu saiti yathu, pontho anagumana tani mavidhyu na mabukhu anagumanika mwenemu. Apangeni kuti anagumana tani mphangwa zipswa mu saiti jw.org na JW Broadcasting®. Mwapang’ono na pang’ono apfundziseni toera aleri Bhibhlya ntsiku zonsene, akhunganyike misonkhano ya mpingo, pontho toera asake matawiro a mibvundzo yawo. Kusiyapo pyenepi, aphedzeni toera anyerezere mwacidikhodikho pinthu pinapfundza iwo.
ONANI VIDHYU YA NSOLO WAKUTI PHEDZANI ANYAKUPFUNDZA ANU A BHIBHLYA TOERA ADZIWE KUTI ANAPFUNDZA TANI MAFALA A MULUNGU, BULUKA PENEPO TAWIRANI MIBVUNDZO IYI:
-
Rita aphedza tani Zaida toera aone kuti pfundziro ya Bhibhlya nee pisabveka basi ene kudziwa matawiro?
-
Ninji cidaphedza Zaida toera kukhulupira kuti Yahova asakhondesa ulukwali na mathangwi adidi?
-
Phedzani anyakupfundza anu a Bhibhlya toera adziwe kuti anapfundza tani okhene Mafala a Mulungu, pontho anaphatisira tani pinthu pinapfundza iwo
Ninji pidadzindikira Zaida thangwi ya kunyerezera mwacidikhodikho?
