Ndi makhaliro api anakomerwa na imwe kuna xamwali wanu? Panango munakomerwa xamwali wanu angakhala wakukhulupirika, wakukoma ntima na wakupasa mwakudzala manja. Yahova asapangiza makhaliro anewa onsene. (Eks. 34:6; Mabasa 14:17) Yahova asakubveserani mungacita phembero kuna iye. Iye ali dzololo toera kukuphedzani mungafuna ciphedzo. (Masal. 18:19, 35) Iye asalekerera madawo anu. (1 Juwau 1:9) Yahova ndi Xamwali wadidi kakamwe.

Munakwanisa tani kukhala xamwali wa Yahova? Lerini Bhibhlya toera kundziwa mwadidi. Longani nyatwa zanu kuna iye. (Masal. 62:8; 142:2) Pangizani kuti musalemedza kakamwe pinthu pyakufunika kuna Yahova, ninga Mwanace, Umambo wace na mapikiro ace thangwi ya ntsogolo. Pangani anango pinthu pyenepi. (Deut. 32:3) Mungakhala na uxamwali wa ponda ndipondembo na Yahova, iye anakhala Xamwali wanu wakwenda na kwenda.—Masal. 73:25, 26, 28.

ONANI VIDHYU YA NSOLO WAKUTI APHALE NA ATSIKANA—‘YESERANI MUONE KUTI YAHOVA NDI WADIDI,’ BULUKA PENEPO TAWIRANI MIBVUNDZO IYI:

• Munakhunganyika tani toera kuperekeka kuna Yahova mbamubatizwa?

• Anango mu mpingo anakuphedzani tani toera kutumikira Yahova?

• Kumwaza mphangwa kunakuphedzani tani toera kukhala na uxamwali wakuwanga na Yahova?

• Ndi mabasa api anagumanika mu gulu ya Yahova akuti imwe munakwanisa kuacita?

• Ndi cinthu cipi cinakomerwa na imwe kakamwe thangwi ya Yahova?