Pidamala Yezu kudyesa amuna 5.000 mwacirengo, kusiyapo akazi na anapiana, iye apanga anyakupfundzace: ‘Gumanyani mapindi adasala, toera pakhonde kubvungika cinthu.’ (Jwau 6:12) Yezu aphatisira mwadidi pinthu pidapereka Yahova mbawangisira toera pikhonde kubvungika.

Mu ntsiku zathu zino, Mathubo Akutonga asawangisira kutowezera citsandzo ca Yezu mukuphatisira mwandzeru pyakupereka. Mwacitsandzo, mbidzati kumangwa ofesi ikulu inaonera basa pa dziko yonsene yapantsi ku Warwick, Nova York, abale acita masasanyiro toera aphatisire mwadidi pyakupereka.

TINACALIRA TANI KUBVUNGA PINTHU . . . 

• pa misonkhano Yacikristu?

• tingakwata mabukhu toera kualeri? (km-T 5/09 3 ¶4)

• tingakwata mabukhu toera kuaphatisira m’basa ya kumwaza mphangwa? (mwb17.02 “Phatisirani Mwadidi Mabukhu Athu Akubuluswa m’Bhibhlya” ¶1)

• pakupasa anthu mabukhu athu? (mwb17.02 “Phatisirani Mwadidi Mabukhu Athu Akubuluswa m’Bhibhlya” ¶2 na bokosi)