Nyakufunika wathu angafa, ife tisabalangazwa na cidikhiro cakulamuswa muli akufa. Ngakhale tenepo, madawo na kufa pisatsukwalisa ife tonsene. Bhibhlya isalandanisa pinthu pyenepi na ‘nguwo idaphimbira anthu onsene,’ pontho isalandanisa na ‘nguwo idafinika madzindza onsene.’ (Iza. 25:7, 8) Na thangwi ineyi, kufa kusacitisa ‘pinthu pyonsene pidacitwa kubulira pabodzi pene na kubva kupha pabodzi pene.’ (Aroma 8:22) Mphapo tingaferwa na nyakufunika wathu, tinakwanisa tani kupirira mpaka ndzidzi wakulamuswa kwa anthu muli akufa? M’Bhibhlya muli na malemba akuti anakwanisa kutiphedza.

ONANI VIDHYU YA NSOLO WAKUTI QUANDO MORRE ALGUÉM QUE AMAMOS, BULUKA PENEPO TAWIRANI MIBVUNDZO IYI:

• Ndi nyatwa ipi idagwerwa na Danielle, Masahiro na Yoshimi?

• Ndi pinthu pipi pixanu pidaaphedza?

• Mbani anakwanisa kubalangaza ife tonsene?—2 Akor. 1:3, 4