Mafala a Mulungu asatiphedza toera kupirira nyatwa zinathimbana na ife ntsiku zino zakumalisa. (2 Tim. 3:1, 16, 17) Ngakhale tenepo, midzidzi inango ife tinafuna ciphedzo toera kudziwa kuti tinaphatisira tani midida ya Bhibhlya mwakubverana na nyatwa inathimbana na ife. Mwacitsandzo, kodi imwe ndimwe nyakubala wakuti muli kusaka uphungu toera kudziwa kuti munakuza tani ananu? Kodi imwe ndimwe m’phale peno ntsikana wakuti cikhulupiro canu cisayeserwa? Kodi imwe muli wakutsukwala thangwi yakuferwa na ndzanu wa m’banja? Mu jw.org, munakwanisa kugumana mphangwa zakuti zinakuphedzani toera kudziwa kuti munaphatisira tani midida ya Bhibhlya mwakubverana na nyatwa zakusiyana-siyana zinathimbana na imwe.—Mis. 2:3-6.

Pfinyani pa PIPFUNDZISO PYA M’BHIBHLYA mu jw.org. (Onani foto 1.) Buluka penepo sankhulani mphangwa zinafuna imwe kuleri. Peno pfinyani pa BIBLIOTECA > SÉRIES DE ARTIGOS, buluka penepo sankhulani mphangwa zinafuna imwe kuleri. (Onani foto 2.) Imwe munakwanisambo kugumana mphangwa zibodzi zene mu JW Library^®. a Panango munakomerwa na mphangwa zinagumanika mwenemo. Njira inango inafuna kukuphedzani toera kugumana mphangwa zinafuna imwe ndi kuphatisira khundu yakufufudza mu jw.org.

Lembani mafala ali pantsi apa pa khundu yakufufudza, buluka penepo lembani misolo inafuna imwe kuleri.

• Kukuza ana

• Pinadzudzumika na aphale na atsikana

• Mungaferwa na ndzanu wa m’banja