Ndokoni pa mphangwa

Pitani pa tsamba ya Pyankati

Fungulani (opens new window)
Kufufudza mu JW.ORG

Sumana 2-8 ya Setembro

MASALMO 79-81

Sumana 2-8 ya Setembro

Nyimbo 29 na Phembero | Mafala Akutoma (mph. 1)

MPFUMA ZA MAFALA A MULUNGU

1. Pangizani Kuti Musafuna Dzina ya Yahova

(mph. 10)

Lekani kucita pinthu pinapswipisa dzina ya Yahova (Mas. 79:9; Ncenjezi 02.17 tsa. 9 ndima 5)

Cemerani dzina ya Yahova (Mas. 80:18; Textos Bíblicos Explicados nsolo 3 ndima 4-5)

Yahova asapasa nkhombo zizinji ale anambvera na kufuna dzina yace (Mas. 81:13, 16)

Nakuti tisafuna makhaliro athu apase mbiri dzina ya Yahova, tisafunika kupangiza kuna anango kuti ndife Mboni zace

2. Mpfuma Zauzimu

(mph. 10)

  • Mas. 80:1—Thangwi yanji dzina ya Zuze midzidzi inango ikhaphatisirwa toera kulonga madzindza onsene a Izraeli? (Perspicaz vol. 2 tsa. 145)

  • Ndi mpfuma zipi zauzimu zidagumana imwe pakuleri Bhibhlya sumana ino?

3. Kuleri Bhibhlya

(mph. 4) Mas. 79:1–80:7 (Kuleri na Kupfundzisa pfundziro 10)

PFUNDZISANI MWALUSO MU UTUMIKI

4. Kutomesa Makani

(mph. 1) NYUMBA NA NYUMBA. Yeserani kutomesa pfundziro ya Bhibhlya. (Funani Anthu nsolo 4 khundu 4)

5. Kutomesa Makani

(mph. 3) UMBONI WANTSUSUKANO. Yeserani kutomesa pfundziro ya Bhibhlya. (Funani Anthu nsolo 4 khundu 3)

6. Kutomesa Makani

(mph. 2) UMBONI WAPAKWECA. Yeserani kutomesa pfundziro ya Bhibhlya. (Funani Anthu nsolo 3 khundu 3)

7. Ulendo Wakubwereza

(mph. 5) NYUMBA NA NYUMBA. Yeserani kutomesa pfundziro ya Bhibhlya na munthu wakuti kale nee akhafuna kupfundza Bhibhlya. (Funani Anthu nsolo 8 khundu 3)

KUKHALA M’MASO NINGA AKRISTU

Nyimbo 10

8. “Iwo Anadzasimba Dzina Yanga”

(mph. 15) Nkhani yakucedza.

Sathani atoma kupswipisa dzina ya Yahova m’munda wa Edheni. Kutomera ndzidzi unoyu, cisankhulo cakufunika kakamwe cakuti anthu pabodzi na aanju asafunika kucicita ndi kucenesa dzina ya Yahova peno nkhabe.

Onani pinthu pingasi pyauthambi pinalonga Sathani thangwi ya Yahova. Iye apambizira Yahova kuti ndi ntongi wausumankha na wakusowa ufuni. (Gen. 3:1-6; Yobe 4:18, 19) Iye asalonga kuti Yahova nee asafuniwa na atumiki ace. (Yobe 2:4, 5) Iye asacitisa anthu azinji kakamwe kukhulupira kuti nee ndi Yahova adacita dziko yakubalika inakhala ife.—Aroma 1:20, 21.

Imwe musapibva tani mungabva uthambi unoyu? Panango musakhala na cifuno cakutsidzikiza Yahova! Iye akhadziwa kuti atumiki ace mbadafuna kuphedzera kuceneswa kwa dzina yace. (Onani Izaiya 29:23.) Mphapo munacitanji toera kuphedzera?

  • Phedzani anthu toera adziwe Yahova na kunfuna. (Juw. 17:25, 26) Khalani wakukhunganyika toera kupangiza kuti Mulungu alipo na kupfundzisa anango makhaliro ace akudzumatirisa.—Iza. 63:7

  • Funani Yahova na ntima wanu onsene. (Mat. 22:37, 38) Bverani mitemo ya Yahova, tayu basi ene thangwi pyenepi ndi pyadidi kuna imwe, mbwenye thangwi musafuna kutsandzayisa Yahova.—Mis. 27:11

Pangizani VIDHYU Ufuni Nkhabe Kumala Mwakukhonda Tsalakana . . . Mayesero Kuxikola. Buluka penepo citani mibvundzo iyi:

  • Kodi Ariel na Diego atsidzikiza tani dzina ya Yahova?

  • Thangwi yanji iwo akhala kukhundu ya Yahova?

  • Munatowezera tani citsandzo cawo?

9. Pfundziro ya Bhibhlya ya Mpingo

(mph. 30) Umambo Wa Mulungu Ukutonga! nsolo 12 ndima 1-8, bokosi tsa. 121

Mafala Akumalisa (mph. 3) | Nyimbo 90 na Phembero

UMASO WATHU WACIKRISTU NA UTUMIKI–PROGRAMU YA MISONKHANO

Programu ya Misonkhano ya Umaso na Utumiki ya Sumana 2-8 ya Setembro ya 2024

Cisena
Programu ya Misonkhano ya Umaso na Utumiki ya Sumana 2-8 ya Setembro ya 2024
https://cms-imgp.jw-cdn.org/img/p/202024321/univ/art/202024321_univ_sqr_xl.jpg
mwb24 Setembro ya matsa. 2-3
KUSANKHULA TOERA KOPYARI
Sumana 2-8 ya Setembro
Njira toera kukopyari mabukhu akugravarwi UMASO WATHU WACIKRISTU NA UTUMIKI–PROGRAMU YA MISONKHANO Setembro–Outubro 2024